Lyfr y Psalmau 128 - Welsh Metrical Psalms by Morris Williams 1850

1Y Sawl sy ’n ofni, dedwydd yw,

Yr Arglwydd Dduw yn ffyddlon;

Ac sydd yn ffyrdd yr Ion di‐lyth

Yn rhodio byth yn union.

2Canys i ti mwynhâd a ddaw

O waith dy ddwylaw ddigon;

A dedwydd iawn a fyddi di,

A da fydd i dy galon.

3Dy wraig fydd fel gwinwŷdden lawn

O beraidd rawn yn sypiau;

Ar hyd ystlysau ’th drigfa lon

Yr estyn hon ei changau.

Dy blant o gylch dy fwrdd a fydd

Fel coed olewŷdd tirfion;

4Fel hyn os ofni ’r Arglwydd Rhi

Ti gei ddi‐ri’ fendithion.

5Yr Ion ei fendith it’ a rydd

O Sïon fynydd hyfryd;

A thi gei weled a mwynhâu

Llwydd Salem ddyddiau ’th fywyd.

6A thi gei weled yn dy wlad

Dy blant a’u had a’u hwyrion;

Rhydd Ior it’ weled cyn dy fedd

Gyflawnder hedd ei Sïon.