Lyfr y Psalmau 121 - Welsh Metrical Psalms by Morris Williams 1850

1Dyrchafaf fy llygaid i’r nefoedd

A’r nefol fynyddoedd yn awr;

Oddi yno daw cymmorth a chryfder

A llewyrch mewn amser i’r llawr:

2Fy nghymmorth, O Dduw fy nghyfiawnder,

Oddi wrthyt ar fyrder a ddaw;

Y nefoedd a’r ddaear, pan fynnodd,

Yn gyflawn a luniodd dy law.

3Mae ’th geidwad yn wastad yn neffro,

A cheidw, rhag llithro, dy droed;

4A llygaid Duw Israel ni hunant,

Ni chauodd ei amrant eriôed:

5A’r Duw sydd i Israel yn geidwad,

I tithau ’n warcheidwad y sydd;

A chysgod yn d’ ymyl i’th enaid

Rhag dychryn a niwaid a fydd.

6Y dydd gan yr haul ni chei niwaid,

Na chan y lloer gannaid yr hwyr;

7Dy Dduw rhag pob drwg fydd dy fwcled,

Dy enaid a wared yn llwyr:

8Yr Arglwydd yn wastad a’th warchod,

Wrth fyned a dyfod bob dydd;

Yr awrhon a byth o hyn allan

Dy darian ei fendith a fydd.