Lyfr y Psalmau 137 - Welsh Metrical Psalms by Morris Williams 1850

1Yn Babilon, gan dristyd swrth,

Eisteddem wrth yr afon:

Gwnai dagrau ’n llygaid yno ’n bwl

Wrth feddwl am ein Sïon.

2Rhoem ein telynau ar goed plan

Ynghrôg wrth lan Euphrates;

Gan hiraeth trwm mewn estron dud,

Pob tant oedd fud a diles.

3Mynnai ’n hanrheithwŷr gennym gân,

A griddfan ar ein calon; —

“Gadewch in’ glywed heddyw ’n glau

Rai o ganiadau Sïon.”

4Pa fodd y canwn gerdd ein Duw,

A chwithau i’w dirmygu?

Mewn estron wlad, â llygad llawn,

Peth chwithig iawn yw canu.

5Os â Caersalem byth o’m co’,

Aed angho ’r gân bereiddiaf;

6Palled fy nhafod, oni bydd

Hi fy llawenydd pennaf.

7O Arglwydd, cofia, mewn llid ffrom,

Blant Edom yn ein diwrnod;

“Dinoethwch,” meddant, “oll i gyd

Gaersalem hyd ei gwaelod.”

8Ferch Babel, er mor deg a glân,

Anrheithia ’r tân dy gaerau:

O gwỳn ei fyd a dalo i ti

Fel y gwneist ti i ninnau.

9Gwỳn fyd a ddelo at dy blant,

(Ni haeddant ddim tosturi,)

A’u cym’ro, ac a d’rawo ’n swrth

Eu ’mennydd wrth y meini.