Lyfr y Psalmau 120 - Welsh Metrical Psalms by Morris Williams 1850

1Yn f’ ing y gwaeddais ar Dduw Ion,

A’i glust a glybu ’m llais yn glau: —

2O gwared f’ enaid, Arglwydd Ner,

Rhag tafod twyll a gwefus gau.

3Pa beth a roddir itti ’n dâl,

Ti, dafod twyll, am flino ’r gwan?

4Cei deimlo llymion saethau cawr

Ynghŷd â marwor meryw ’n rhan.

5Gwae fi! fy mod yn byw cyhŷd

Yn anwir bebyll Mesech gas;

Gwae fi! na allwn weithian ffoi

O drigfa Cedar falch ddi‐ras.

6Bu ’m henaid yn preswylio ’n hir

Gyd â chaseion tawel hedd;

7Am heddwch pan lefarwyf fi,

Dadweiniant hwy yn ffrom eu cledd.