Lyfr y Psalmau 39 - Welsh Metrical Psalms by Morris Williams 1850

1Addewais gadw ’m ffordd yn bur

Rhag drwg y prysur dafod mau;

Tra byddai ’r anwir ger fy mron

Y ffrwynwn fy ngwefusau ’n glau.

2Tewais rhag geiriau da, gan fraw

Tewais yn ddistaw nos a dydd;

A’m dolur ynof a gyffrôdd

O eisiau cael ymadrodd rhydd.

3Gwresogai ’nghalon dan ei phwn,

Tra ’r oeddwn yn myfyrio ’n ddwys;

Ennynodd tân, a gwnaethum gais,

Lleferais i leihâu ei phwys.

YR AIL RAN

4O pâr im’ wybod, Arglwydd hael,

Fesur fy nyddiau gwael a gwyw,

I wybod fyrred ydyw ’r hŷd

Y byddaf yn y byd yn byw.

5Fel dyrnfedd fer y gwnaethpwyd f’ oes,

Fel dim yw ’m heinioes o flaen Duw;

Pob dyn sy wagedd, priddyn brau,

Llwyr wagedd ar y gorau yw.

6Dyn sy fel cysgod gwag heb nerth,

Mewn ofer drafferth fore a hwyr;

Fe dyrra ’n bentwr gyfoeth byd,

Ond pwy a’i casgl ynghyd, nis gŵyr.

Y DRYDEDD RAN

7Beth a ddisgwyliaf, Ion, yn awr?

Fy ngobaith mawr sydd ynot Ti:

8Dwg fi o’m holl gamweddau ’n ol;

Yn wawd i’r ffol na osod fi.

9Fy ngenau ’n gauad ac yn gaeth,

Yn fud yr aeth gan sobrwydd syn;

Distewais, ac ni soniais i —

Tydi, Tydi a wnaethost hyn.

10Fy Meddyg tirion, tyn dy bla

Oddi wrthyf, a iachâ fy nghlwyf;

Dan dy ddyrnodiau Di ’n fy lladd

Darfod o radd i radd yr wyf.

Y BEDWAREDD RAN

11A cherydd trwm pan gospit ddyn

Am bechu ’n erbyn deddf y nef,

Fel pryf dattodit yn y llwch

O bwyth i bwyth ei harddwch ef.

Pob dyn nid yw ond gwagedd ffol: —

12Gwrando fi ’n eiriol, Arglwydd nef;

Clyw fi ’n wylofain dan fy mhla,

Ac na ddistawa wrth fy llef.

Ymdeithydd, alltud gyd â Thi

Wyf fi ’r un modd a’m tadau gynt;

13Duw, arbed Di dy was sy ’n glaf,

Cyn myned ar fy olaf hynt.