Lyfr y Psalmau 92 - Welsh Metrical Psalms by Morris Williams 1850

1Da yw moliannu ’n Harglwydd ni,

A chanu i Ti, ’r Goruchaf;

2Dy wirioneddau fore glas,

A’r nos dy ras, mynegaf.

3A’r nabl a’r degtant, Arglwydd Ner,

A’r delyn ber y’th folaf:

4Llawenydd im’ o’th waith a ddaw,

Yngwaith dy law ’r ymlonnaf.

5Mor fawr yw ’th weithred, Arglwydd mau!

Dwfn yw ’th feddyliau hefyd:

6I’r annoeth mae dy waith dan sel,

Dy waith ni wêl yr ynfyd.

7Pan weler yr annuwiol ddyn

Fel blod’yn hardd blagurol,

Ac fel llysieuyn irlas gwiw,

Hyn sydd i’w ddistryw bythol.

8Wyt uchel, Ion, a chryf yw ’th wg,

9Gweithredwŷr drwg gwasgerir;

Wele, d’ elynion, Arglwydd da,

D’ elynion a ddifethir.

10Er hyn, am danaf fi, fy nghorn

Fel unicorn dyrchefir;

Ag olew îr, fel olew ’th Saint,

Mwyn ennaint, y’m henneinir.

11Fy llygaid hefyd gwêl ar frys

F’ ewyllys ar fy ngelyn;

Clyw ’m clustiau f’ wyllys yn ddi‐gel

Ar bawb a ddêl i’m herbyn.

12Fel cedr a phalm ar Liban fryn,

Y Saint fel hyn cynnyddant;

13Ac ynghynteddau Tŷ ein Duw

Yn blanwŷdd byw blodeuant.

14Y Saint yn llawn o aeron gras

Mewn henaint irlas ffrwythant;

Tirfion fydd eu canghennau llawn

Ac iraidd iawn a fyddant.

15Mynegant am yr Arglwydd Dduw

Mai uniawn yw ei Fawredd,

A’i fod yn gadarn gastell im’,

Heb ynddo ddim anwiredd.