Lyfr y Psalmau 142 - Welsh Metrical Psalms by Morris Williams 1850

1Uchel waedd mewn ing a godais

Pan ymbiliais ar Dduw nef;

2A thywalltais fy myfyrdod

Yn fy nhrallod o’i flaen Ef:

3Pan oedd drymion fy meddyliau,

Gwyddit Ti fy nghamrau ’n llawn;

Maglau dichell a daenasant

Ar fy medr y ffordd yr awn.

4Sylw manol a gymmerais,

Chwiliais ar y ddehau law;

Ond nid oedd a’m cydnabyddai,

Llwyr giliasai nodded draw;

Ni ’s gofalai neb am f’ enaid: —

5Yna llefais ar fy Nuw,

“Ti yw ’m gobaith cryf a’m hyder,

Ti yw ’m rhan yn nhir y byw.”

6Ystyr, Arglwydd, wrth fy nghwynfan,

Gwel y truan, gwared fi

Rhag f’ erlidwŷr cas ysgeler,

Trech o lawer ŷnt na mi:

7Dwg fi ’n rhydd o’r man lle ’r ydwyf,

Fel y molwyf d’ Enw mwy;

Felly ’r cyfiawn a’m cylchynant,

Dy ras immi canant hwy.