Lyfr y Psalmau 140 - Welsh Metrical Psalms by Morris Williams 1850

1Gwared, Arglwydd, f’ enaid gwirion,

Rhag y drwg a’r traws ei fryd;

2Drwg a luniant yn eu calon,

Fyth i ryfel dônt ynghŷd:

3Eu tafodau golymmasant,

Ail i golyn sarph yn gwau;

Gwenwyn marwol asp sy ’n llechu

Dan eu min a’u gwefus gau.

4Cadw fi rhag dwylaw ’r anwir,

Rhag y traws sydd am fy ngwaed;

Cais eu malais yw bachellu

Yn eu maglau cudd fy nhraed:

5Dŷd y beilchion im’ hoenynnau

Cudd ar draws fy llwybr ar daen;

Gosodasant faglau dichell

Ar fy rhodfa o fy mlaen.

6Yna gwaeddais ar yr Arglwydd,

“Duw, f’ amddiffyn ydwyt Ti;

Clyw fy llais yn llefain arnat,

Clyw fy nhostur waedd a’m cri:

7Ti yw ’m Duw, Tydi yw ’m Harglwydd,

Nerth fy iachawdwriaeth fad;

Lledaist darian gref dy nodded

Dros fy mhen yn nydd y gad.”

8Duw, na lwydda frad yr anwir,

Rhag ymchwyddo ’u balchaidd fryd;

9Geiriau ’r bradwŷr sy ’n f’ amgylchu

Fo ’n amdôi eu pennau i gyd:

10Syrthied arnynt farwor tanllyd,

Mewn ceuffosydd bônt ynghlâdd: —

11Na sicrhâer y dyn siaradus,

Drwg a helio ’r traws i’w ladd.

12Gwn y dadleu ’r Arglwydd cyfion

Ddadl y truan drosto ’n llawn;

Gwn y barn Efe ’r tylodion

Yn ei nefol Lys yn iawn:

13Yna ’r cyfiawn am dy ddedryd

A’th glodforant fyth yn llon,

A daw ’r union mewn tangnefedd

I gartrefu ger dy fron.