Lyfr y Psalmau 30 - Welsh Metrical Psalms by Morris Williams 1850

1Mawrygaf, Arglwydd, d’ Enw Di,

Codaist fi o’m trallodion;

O’m plegid i ni roddaist ddim

Llawenydd i’m gelynion.

2Arglwydd fy Nuw, i entrych nef

Y daeth fy llef hyd attat;

Ti a’m hiacheaist ar fy nghais,

Pan daer ymbiliais arnat.

3Dyrchefaist f’ enaid, Arglwydd Ner,

O dywyll fangre ’r beddrod;

Cedwaist fi ’n fyw rhag myn’d i lawr

I’r pwll cadduglawr isod.

4O cenwch, cenwch, Saint i gyd,

Bur fawl ynghyd i’r Arglwydd;

Clodforwch Ef â pheraidd gân

Wrth goffa ’i lân sancteiddrwydd.

5Ei lid ni fydd ond ennyd fer,

Mae o’i foddlonder fywyd;

Er wylo dros brydnawngwaith du,

Daw ’r bore ganu hyfryd.

YR AIL RAN

6Dywedais mewn hyderus fryd,

Pan oedd fy myd yn llwyddo,

“O’m cadarn uchel fan fy nhroed

Ni syflir, doed a ddelo.”

7Gosodaist o’th ddaioni, Ner,

Fy mryn mewn cryfder grymmus;

Ond pan orchuddiaist d’ wyneb cu,

Fy enaid fu ’n helbulus.

8Ond arnat Ti, fy Nuw, fy Ner,

O’m trwch gyfyngder llefais;

Am weled gwawr drachefn o’th wedd

A phrawf o’th hedd, ymbiliais.

9Pa les sydd yn fy ngwaed, pa fudd,

A minnau ’nghudd mewn ceufedd?

A folir Di gan lwch y llawr,

Neu ’th ras a’th fawr wirionedd?

10Duw, trugarhâ wrth f’ adfyd blin,

A bydd i mi ’n gynhaliwr;

O clyw, a bydd i mi rhag cam

Yn gadarn Amddiffynwr.

Y DRYDEDD RAN

11Troaist fy ngalar trwm yn gân,

O’r nos daeth allan wawr‐ddydd;

Yn lle fy sachwisg, Arglwydd da,

Ti ’m gwisgaist â llawenydd.

12Am hynny fy ngogoniant glân

Byth it’ a gân heb dewi;

A’th Enw mawr, O Dduw di‐lyth,

Ni pheidiaf byth â’i foli.