Lyfr y Psalmau 75 - Welsh Metrical Psalms by Morris Williams 1850

1Clodforwn fyth Dydi, ein Duw,

Clodforwn Di tra byddom byw;

Can’s dengys rhyfedd waith dy law

Fod d’ Enw ’n agos iawn gerllaw.

2Cyhoeddaf ddedryd barn yn iawn,

’N ol derbyn y gymmanfa lawn;

3Cryn daear lawr a’i phobl i gyd; —

Myfi sy ’n dal colofnau ’r byd.

4Dywedais wrth ynfydion byd,

“Ymbwyllwch — na foed ffol eich bryd;”

Wrth y di‐dduw, “Na ddyrchwch chwi

Mwyach mo gorn eich rhwysg a’ch bri.

5“Na ddyrchwch gorn eich balchder byth,

Ac na siaradwch â gwar syth;

6Can’s nid o’r de’ na’r llewin llaith

Daw llwyddiant, nac o’r dwyrain chwaith.

7“Ond Duw sy ’n barnu ’n iawn ddi‐ball,

Gan ostwng un a chodi ’r llall;

8Canys mae phïol yn llaw Duw,

A’r gwin sy goch — gwin cadarn yw.

“Llawn cymmysg yw ei gwppan gref,

O honi y tywalltodd Ef;

Caiff holl anwiriaid daear gron

Wasgu ac yfed gwaddod hon.”

9Mynegaf finnau fyth ar gân

Glodforedd i Dduw Jacob lân;

10Torraf holl gyrn y didduw ’n chwai,

Ond codir cyrn y cyfiawn rai.