Lyfr y Psalmau 113 - Welsh Metrical Psalms by Morris Williams 1850

1Chwi ffyddlon weision Arglwydd nef

Moliennwch oll ei Enw Ef;

2Bendigaid fyth fo ’i Enw mawr:

Moliannus Enw ein Harglwydd ni,

3Caiff deilwng glod a pharch a bri

O godiad haul hyd fachlud gwawr.

4Uwch na ’r holl ddaear yw Efe,

Gogoniant Ior sy ’n uwch na ’r ne’;

5Pwy, pwy sy ’n debyg i’n Duw mawr?

Er uched yn y nef mae ’n byw,

6Ei lygaid grasol gostwng Duw

I’n gwylied ar y ddaear lawr.

7Efe sy ’n codi ’r tlawd o’r llwch,

A’r rheidus gwael o’r dommen drwch,

8I’w osod yn frenhinol Sant:

9Gwna i’r ammhlantadwy gadw tŷ,

A bod, o’i ras a’i fendith fry,

Yn llawen fam llïosog blant.