Lyfr y Psalmau 129 - Welsh Metrical Psalms by Morris Williams 1850

1“Yn llwyr ddïachos lawer pryd

O’m hi’engetid hyd yr awrhon,”

Y dichon Israel dd’weyd yn awr,

“Ce’s flinder mawr gan ddynion.

2“Mynych o’m mebyd hyd yn awr

Hwynt‐hwy a’m mawr flinasant,

Heb achos, ac heb arbed dim, —

Ond etto ni ’m gorfuant.

3“Arddodd yr arddwŷr ar ei hyd

Fy nghefn i gyd yn rhychau,

Gan estyn, yn eu malais llawn,

Yn hirion iawn eu cwysau.

4“Er hyn mae’r Arglwydd yn y nef,

A’i farnau Ef sy gyfion

Torrodd Efe, fel edau wan,

Reffynnau ’r annuwiolion.”

5Bydd gwawd a gwarth oddi wrth yr Ior,

A gwatwor i’n gelynion;

O flaen ei rym i’w gwrthol ant

Y rhai gasânt ein Sïon.

6Byddant fel glaswellt brigsyth cryf

Ar ben y tŷ fo ’n tyfu,

A dry o las ei liw yn wỳn,

Gan wywo cyn ei dynnu.

7Yr hwn yn addfed byth ni ddaw

I lenwi llaw ’r medelwr;

Ac ni ddaw ’n ysgub, ffrwythlon faich,

I lenwi braich y rhwymwr.

8Ni ddywed undyn wrth y rhai ’n,

Wrth fyn’d ar ddamwain heibio,

“O’r nef boed i chwi fendith wiw,

A bendith Dduw a’ch llwyddo.”