Lyfr y Psalmau 141 - Welsh Metrical Psalms by Morris Williams 1850

1Fy Nuw, ’rwy ’n llefain arnat Ti,

O clyw fy nghri galarus;

Brysia pan lefwyf, bydd yn blaid

I’m henaid gwan hiraethus.

2O doed fy ngweddi attat, Ner,

Fel arogl per yn mygu;

Ac fel prydnhawnol offrwm Ion

Fy nwylaw fo ’n dyrchafu.

3O cadw gref gadwraeth, Ior,

Ar gyfer dôr fy ngenau;

4Na ostwng chwaith at ddrwg na cham

Fy nghalon na ’m gwefusau.

Nad elwyf gyd â gweithwŷr gau

Byth at fwriadau creulon;

Ac n’ad im’ fwytta na mwynhâu

Na chyffwrdd â’u dainteithion.

5Curer fi gan y cyfiawn mad,

Bydd hynny ’n gariad attaf,

Ac olew fydd na ’s tyr fy mhen; —

Ond rhag eu sen gweddïaf.

6Pan gwympo ’u barnwŷr hwynt i lawr

Ar galed greiglawr garwaf,

Fy ngeiriau wrthynt fyddant fwyn,

A chlywant hwy ’n felusaf.

7Ein hesgyrn sydd yn wael eu gwedd

Ar fin y bedd ar wasgar,

Fel un yn hollti crinion wŷdd

Yn danwŷdd ar y ddaear.

8Mae ’m llygaid a’m holl obaith i,

Duw, arnat Ti heb ddiwedd;

Na ad, O Dduw, fy enaid gwael,

Moes iddo gael ymgeledd.

9O cadw ’m henaid rhag y rhwyd

A’r fagl a daenwyd immi,

Sef magl y drwg weithredwŷr cas,

Na syrthio ’th was ddim iddi.

10Y gwŷr di‐dduw ynghŷd bob un

I’w rhwyd eu hun fo ’n cwympo;

A minnau ’n gweled, ac yn rhwydd

Yn myn’d heb dramgwydd heibio.