Lyfr y Psalmau 130 - Welsh Metrical Psalms by Morris Williams 1850

1-2O’r dyfnderau gwaeddais arnat,

Doed hyd attat, Ion, fy llais;

Dwg fi ’n rhydd o’u canol allan,

Clyw fi ’n cwynfan, gwrando ’m cais:

3Ar anwiredd, Ion, os creffi,

Sefyll mwy ni ’s gallwn ni;

4Ond maddeuant sy bob amser

Fel y’th ofner gyd â Thi.

5Wrth dy rad drugaredd anwyl

’Rwyf yn disgwyl nos a dydd;

Geiriau gwir dy rasol gyfraith

Immi ’n gadarn obaith sydd:

6Er mor fawr disgwyliad beunydd

Gwylwŷr am y wawrddydd wiw,

F’ enaid sydd mewn mwy disgwyliad

Am addewid rad ei Dduw.

7Disgwyl, Israel, wrth yr Arglwydd,

Er na ’s delo ’n ebrwydd iawn;

Wrth ei ddisgwyl rhydd o’r diwedd

It’ ei rad drugaredd lawn:

Mae ’n gyfoethog o drugaredd,

Nid oes diwedd ar ei ras;

8Gweryd Israel â’i ymgeledd

Oddi wrth rwym eu camwedd cas.