Lyfr y Psalmau 93 - Welsh Metrical Psalms by Morris Williams 1850

1Duw y duwiau sy ’n teyrnasu,

Gwisgodd ardderchowgrwydd gwiw;

Ymwregysodd â grymmusder,

Cryfder ydyw gwisg ein Duw:

Haleluiah!

Ior sy ’n Frenhin nef a llawr.

Daear gron yn ansigledig

Ar ei sylfaen gref a roed;

2Ond cadarnach yw d’ orseddfaingc,

Parottoaist hon eriôed:

Haleluiah!

Brenhin trag’wyddoldeb wyt.

3Ymddyrchafodd llanw ’r llifddwr

Trwch, ewynfrig, Arglwydd Ior;

Gan ryferthwy chwyrn y rhuodd

Trwst llifeiriaint tonnau ’r môr:

Haleluiah!

Brenhin eigion môr wyt Ti.

4Cryfach na rhyferthwy ’r dyfrllif

Yw Duw Ior yn uchder nef;

Trech na chedyrn donnau ’r dyfnder

Ydyw ei gadernid Ef:

Haleluiah!

Brenhin eigion môr yw Duw.

5Sicrach yw tystiolaeth d’ enau

Na ’r byd crwn, na ’r nefoedd fry;

Glân sancteiddrwydd, Ior, a weddai

Byth i Gafell lân dy Dŷ:

Haleluiah!

Ti yw Brenhin Salem lân.