Lyfr y Psalmau 115 - Welsh Metrical Psalms by Morris Williams 1850

1Duw, nid i ni, O nid i ni,

Ond boed i Ti ’r gogonedd;

Er mwyn dy ras, er mwyn dy wir,

Boed byth i Ti ’r anrhydedd.

2Pa’m y gofynai ’r bobl i ni,

“Pa le mae ’ch Duw chwi weithian?”

3Mae yn y nef: o’i waith y daw

A fynno ’i law ei Hunan.

4Eu delwau hwy sydd aur o’r tân,

Ac arian wedi ei gerfiaw;

Dych’myga ’u tyb yr Arglwydd Ion

Yn waith eiddilon ddwylaw.

5Eu genau sydd o gostus fri,

Er hynny ni lefarant;

Ac fyth y tremia ’u llygaid syn,

Ond dim er hyn ni welant.

6Ni chlyw eu clustiau floedd na chri,

A’u ffroenau ni aroglant;

7A dwylaw lluniaidd iddynt sy,

Er hynny dim ni theimlant.

Eu gwddf yn ddilais fud a wnaed,

Ni cherdd eu traed o danynt: —

8Ail iddynt ydyw pawb a’u gwnant,

Ac a ’mddiriedant ynddynt.

YR AIL RAN

9O Israel, yn yr Arglwydd Ner

Dod di dy hyder cyfan;

Hyd byth ymddiried yn dy Dduw; —

Eu cymmorth yw a’u tarian.

10Tŷ Aaron, yn yr Arglwydd Ner

Dod di dy hyder cyfan;

Hyd byth ymddiried yn dy Dduw; —

Eu cymmorth yw a’u tarian.

11Chwychwi sy ’n ofni ’r Arglwydd Ner,

Rhowch ynddo ’ch hyder cyfan,

A chredwch yn yr Arglwydd Dduw,

Eu cymmorth yw a’u tarian.

Y DRYDEDD RAN

12Cofiodd yr Ion â’i fendith hael

Dŷ Israel a thŷ Aaron;

13A’i hofnant Ef, bendithia ’r rhai ’n

Yn fychain ac yn fawrion.

14Yr Arglwydd a’ch cynnydda ’n fil,

Chwychwi a’ch heppil hygar;

15Bendigaid ydych ganddo Ef

A wnaeth y nef a’r ddaear.

16Y nefoedd fawr a’i lluoedd gwiw

Sy ’n eiddo ’r Duw a’i creodd;

Ac wyneb llydan daear gron

Yn rhan i ddynion rhoddodd.

17Y meirw mud â’u tafod mwy

Ni folant hwy yr Arglwydd,

Na ’r rhai a droir gan angau trwch

I drigfa llwch distawrwydd.

18Ond ni sydd etto ’n awr yn fyw,

Yr Arglwydd Dduw bendithiwn;

A llafar lef o hyn hyd byth

Ein Duw di‐lyth a folwn.