Lyfr y Psalmau 81 - Welsh Metrical Psalms by Morris Williams 1850

1Rhowch lafar fawl i Dduw ein nerth,

I Arglwydd Israel cenwch glod;

2Dygwch y dympan, moeswch psalm,

Y nabl a’r delyn fwyna ’n bod.

3Udgenwch ar y newydd loer,

Ar ddiwrnod uchel wyl ein Duw;

4Mae hyn i Israel lân yn ddeddf,

Defodol i Dduw Jacob yw.

5Rhoes hyn yn dyst yn Joseph gynt,

Pan fu trwy dir yr Aipht ei daith,

Lle clywais lawer blwyddyn drom

Aflafar ac estronol iaith.

6“Oddi wrth ei ddwys a’i orthrwm faich

Ei ysgwydd gynt a dynnais I;

Rhyddheais ef oddi wrth y ffwrn: —

7Gelwaist mewn ing — gwaredais di.

“Yn nirgel drigfa ’r daran groch

Gwrandewais di o dan dy bla;

Profais dy galon gyndyn gau

Wrth ddyfroedd cynnen Meribah.

8“Fy mhobl mi dystiaf itti ’n awr,

O chaf wrandawiad: Israel, clyw; —

9Duw arall na foed ynot byth,

Na phlyg dy lin i estron dduw.

10“Myfi, Myfi yw ’th Arglwydd Ior,

Myfi yw dy Jehofah di,

Yr Hwn a’th ddug o gaethdra ’r Aipht:

Lleda dy safn, a llanwaf hi. —

11“Hon oedd f’ addewid gynt i’m pobl,

I Israel fy nhystiolaeth gref;

Ond hwy am gwrthodasant I,

Ac ni wrandawent ar fy llef.

12“Myfinnau a’u gollyngais hwynt

Wrth chwant eu calon gau a’u gwŷn;

Ymado wnaethant hwythau ’n llwyr

Yn ol eu cyngor cas eu hun.

13“Oh na wrandawsent ar fy llef!

Oh na rodiasent yn fy ffyrdd!

14Maeddaswn eu gelynion oll,

Tarawswn hwynt o’u blaen yn fyrdd.

15“Caseion y Goruchaf Ior

Plygasent iddo ’u glin ddi lyth;

A’u hamser hwythau yn eu llwydd

Heb ddiwedd a barhasai byth.

16“A brasder goreu ’r gwenith gwỳn

Yn ddiwall y bwydasai hwy;

Ac hefyd â’r pereiddiaf fêl

O’r graig y’th ddiwallaswn mwy.”