Lyfr y Psalmau 95 - Welsh Metrical Psalms by Morris Williams 1850

1De’wch, canwn i Dduw Ner

Gerddoriaeth beraidd iawn;

Yn nerth ein hiechyd, Craig ein grym,

Yn hyfryd llawenhâwn.

2O deuwn ger ei fron

A dïolch pur a chân:

Ennyned psalmau llafar glod

Ein hanthem ber yn dân.

3Yr Arglwydd sy Dduw mawr,

Uwchlaw y duwiau i gyd;

Mae’n Frenhin mawr, ac yn ei law

4Mae gorddyfnderau’r byd.

Uchelder bryniau ’r byd

I’n Duw sy ’n eiddo gwir;

5Fe pïau ’r Mor — ei waith Ef yw,

A gwaith ei law yw ’r Tir.

6O de’wch, addolwn Ef,

Ymgrymmwn oll i lawr;

Gostyngwn ar ein gliniau ’n glau

Ger bron ein Lluniwr mawr.

7Efe yw ’n Harglwydd Dduw,

Ein Bugail yw o’i ras,

A ninnau ’n bobl ei ffyddlon law

A phraidd ei borfa las.

Heddyw, os gwrandêwch ei eiriau, —

8“Na chaledwch eich calonnau,

Fel yn anial dir eich teithiad,

Yn y gynnen, ddydd y temtiad;

9“Pan y’m temtiwyd gan eich tadau,

Ac y gwelsant waith fy ngwyrthiau;

Hir fu ’r amser y’m profasant,

Yn fy ngras a’m barn y’m gwelsant.

10“Ymrysonais ddeugain mlynedd

A’r genhedlaeth hon a’i thrawsedd;

Mynych y dywedais wrthynt

Mai pobl wyrgam galon oeddynt.

“Rhodio yn fy ffyrdd ni ’s mynnent,

Llwybrau heddwch nid adwaenent:

11Tyngais Innau mewn digllondra,

Na chaent ddyfod i’m gorphwysfa.”