Lyfr y Psalmau 145 - Welsh Metrical Psalms by Morris Williams 1850

1Ti, fy Mhrenhin, a ddyrchafaf,

Duw, bendigaf d’ Enw byth;

2Beunydd y bendithiaf d’ Enw

Yn fy nibaid fawl di‐lyth:

3Mawr yw Duw a chanmoladwy,

Anchwiliadwy yw ei rym;

4Oes wrth oes ei waith a folant

Traethant ei gadernid llym.

5Ardderchowgrwydd hardd dy fawredd

A’th waith rhyfedd molaf mwy;

6Soniaf am d’ arswydus fawredd,

Nerth dy waith a draethant hwy;

7Cofiant amledd dy ddaioni

A’th gyfiawnder pur i’th was;

8Ymarhôus a thirion ydwyt,

Llawn trugaredd, llawn o ras.

9Da i bawb a haelfryd ydwyt,

Gras yw coron hardd dy waith;

10Gogoneddir dy ddoethineb

Gan dy holl weithredoedd maith:

Ond dy Saint yn uwch a’th folant

11Am d’ ogoniant, Frenhin nef;

Nerth galluog dy frenhiniaeth

Canant â soniarus lef.

12Hyn a bair i feibion dynion

Wybod ei gadernid Ef,

Ardderchowgrwydd a gogoniant

Ei deyrnasiad yn y nef:

13Teyrnas fythol yw dy deyrnas,

Byth y pery dros y byd;

14Duw sy ’n cynnal pawb a syrthiant,

Cyfyd hwynt i fynu i gyd.

15Llygaid pawb sy ’n disgwyl wrthyt,

Gennyt cânt eu bwyd mewn pryd;

16Ti agori ’th law haelfrydig,

Gan eu porthi hwynt i gyd:

A’th ewyllys da digonir

Pob peth byw ar dir a môr;

17Yn dy ffyrdd i gyd wyt gyfiawn,

Yn dy waith wyt uniawn, Ior.

18Duw sy ’n agos at a’i hofnant,

Gan wir alw ar ei ras;

19Gwna ’u hewyllys, clyw eu llefain,

Gweryd hwynt o’u cyni cas:

20Ceidw ’r Arglwydd bawb a’u carant:

Ond yr anwir, collir hwy;

21Molaf fyth ei sanctaidd Enw,

A phob cnawd a’i molant mwy.