Lyfr y Psalmau 64 - Welsh Metrical Psalms by Morris Williams 1850

1O Gwrando, Arglwydd, ar fy llef,

A chlyw o’r nef fi ’n ymbil;

Rhag ofn y gelyn creulon fryd

O cadw ’m bywyd eiddil.

2Cuddia Di f’ enaid, Arglwydd Ior,

Rhag cyngor gwŷr ysgeler;

Rhag brad a therfysg creulon wŷr

Gweithredwŷr anghyfiawnder.

3Hogant fel cledd eu tafod gau;

A saeth eu geiriau chwerwon

4Ergydiant yn ddisymmwth iawn

At fron yr uniawn galon.

5Drygioni ’n hyf heb ofn a wnant,

Chwedleuant am wneud niwed,

Gan ddirgel osod maglau ’r Fall,

“Pwy,” meddant, “all eu gweled?”

6Am anwireddau chwilio wnant,

Gorphenant ddyfal chwilio;

I’w calon trais a rhith sy ’n nod,

A dwfn yw ceudod honno.

7Ond saetha Duw hwynt oll am’ hyn;

Ei sydyn saeth a’u clwyfa;

8Eu tafod arnynt pan y dêl,

Pob un a’u gwel a gilia.

9A phawb, am hyn, o ddynol ryw

A ofnant Dduw a’i Enw;

A gwaith ei law mynegi wnant,

A doeth‐ystyriant hwnnw.

10Yn Nuw y cyfiawn llawen fydd,

Ac arno rhydd ei obaith;

A hyfryd fydd gorfoledd bron

Yr uniawn calon berffaith.