Lyfr y Psalmau 67 - Welsh Metrical Psalms by Morris Williams 1850

1Duw, wrthym trugarhâ,

Dy fendith dyro Di;

Tywynned fyth ogoned wedd

D’ wynebpryd arnom ni.

2Adwaenir felly ’th ffordd

Trwy ’r ddaear fawr i gyd;

Adwaenir iachawdwriaeth Duw

Ym mhlith holl bobloedd byd.

3Moled y bobl, O Dduw,

Dy Enw mawr a’th ras:

Ag uchel glod molianned Di

Holl bobl y ddaear las.

4Pob iaith a llwyth yn llon

A ganant am dy ddawn;

Tydi sy ’n Llywydd arnynt byth,

Tydi a’u berni ’n iawn.

5Moled y bobl, O Dduw,

Dy Enw mawr a’th ras;

Ag uchel glod molianned Di

Holl bobl y ddaear las.

6Cawn felly gynnyrch mad

O ffrwythau ’r ddaear laith,

Ac enfyn Duw, ein Harglwydd ni,

Ei fendith ar ein gwaith.

7Ein grasol Ion a rydd

Ei fendith in’ o’r nef

A holl derfynau ’r ddaear gron

Drwy barch a’i hofnant Ef.