Lyfr y Psalmau 123 - Welsh Metrical Psalms by Morris Williams 1850

1Ar Dduw ’rwyf yn wastad yn edrych,

Sy â’i drigfod yn entrych y nen;

2Fel gweision daearol cyfarwydd

Ar amnaid eu harglwydd a’u Pen;

Neu fel y mae llygaid y llangces

Ar ddwylaw ei meistres bob pryd;

Fel hynny disgwyliwn am arwydd

Graslonrwydd ein Harglwydd o hyd.

3Duw, moes dy drugaredd ragoraf

A’th gariad anwylaf i ni;

Yn ddirfawr fe ’n llanwyd â dirmyg

Gan ddynion nid tebyg i Ti:

4Yn ddirfawr y llanwyd ein calon

A gwarthrudd gwŷr beilchion y byd;

A’r rhai sy ’n oludog a’n gwawdiant

Yn ffrom y’n gwatwarant o hyd.