Lyfr y Psalmau 80 - Welsh Metrical Psalms by Morris Williams 1850

1Clyw, Fugail Joseph nos a dydd,

Tydi, Fugeilydd Iago;

Eiste’ ’rwyt rhwng cerubiaid glân,

Disgleiria ’n dân oddi yno.

2Ephraim, Manasseh, Benjamin,

Ar d’ ol yn fyddin deuant;

Cyfod o’u blaen dy gryfder mawr,

A phâr yn awr in’ lwyddiant.

Chorus.

3Dychwel ni attat, Arglwydd Rhi,

Yn d’ eiriau Di mae ’n bywyd;

Llewyrched arnom wawr dy hedd,

Dy siriol wedd a’n gweryd.

YR AIL RAN

4Pa hyd y sorri, Arglwydd nef,

Wrth dostur lef ein gweddi?

5Rhoist ddagrau ’n fwyd yn helaeth in’,

A dagrau i’n dïodi.

6Yn gynnen ac ymryson blin

Y’n rhoddaist i’n cym’dogion;

Ein cred a’n gobaith ym mhob man

A wawdir gan elynion.

Chorus.

7Dychwel ni attat, Arglwydd Rhi,

Yn d’ eiriau Di mae ’n bywyd;

Llewyrched arnom wawr dy hedd,

Dy siriol wedd a’n gweryd.

Y DRYDEDD RAN

8Mudaist o’r Aipht winwŷdden las

I randir bras dy winllan;

A gyrraist, er mwyn plannu hon,

Genhedloedd cryfion allan.

9O’i blaen arloesaist, a’i gwraidd llawn

Yn llydan iawn ymdaenodd;

10Ei chysgod cuddiai fryniau ’r tir

A’r wlad cyn hir a lanwodd.

Fel gwychion gedrwŷdd uchel frig

Oedd twf ei thewfrig harddlon;

11Estynai ei grawn‐sypiau gwin

O’r môr hyd fin yr afon.

12-13Oh! pa’m y rhwygaist gaeau hon,

Nes mae ’r fforddolion beunydd

A baeddod a gwylltfilod byd

Yn difa ’nghyd ei chynnydd.

14O dychwel, dychwel, Arglwydd mawr,

O’r nef i lawr i ganfod;

A’th hen winwŷdden, Ior, ymwêl

Yn awr, a gwel ei difrod.

15Ymwêl â’th winllan, Arglwydd Rhi,

Dy ddwylaw Di a’i plannodd;

Ymwêl â’th hen Blanhigyn per,

Dy gryfder a’i cyfnerthodd.

16Ysir hi gan y tân yn awr,

n llwyr i lawr fe ’i torrwyd: —

Difethir ei hanrheithwŷr hi

A’th gerydd Di a’th arswyd.

17Dros Wr deheulaw ’th rym bo ’th law,

Dy nerth i’w lwyddaw rhoddaist;

Poed nawdd dy law dros Fab y dyn,

I Ti dy Hun y ’i nerthaist.

18Felly ni chiliwn byth yn ol,

Fel gynt, yn ffol o’th lwybrau;

Bywhâ ni; galwn ninnau mwy

Ar d’ Enw trwy ein dyddiau.

Chorus.

19Dychwel ni attat, Arglwydd Rhi,

Yn d’ eiriau Di mae ’n bywyd;

Llewyrched arnom wawr dy hedd,

Dy siriol wedd a’n gweryd.