Lyfr y Psalmau 98 - Welsh Metrical Psalms by Morris Williams 1850

1I’r Arglwydd cenwch newydd gân,

Ei waith a wnaeth sy ryfedd iawn;

Ei ddehau law, ei sanctaidd fraich,

Dug iddo fuddugoliaeth lawn.

2Ei gywir farn hyspysodd Ior,

A iachawdwriaeth fawr ei ras;

Pregethir a chyhoeddir hwy

I holl genhedloedd daear las.

3Ei ras a’i wir i Israel lân

Yn awr a gofiodd ein Duw Rhi;

A holl derfynau ’r ddaear gron

A welsant iechyd ein Duw ni.

4Cenwch yn llafar, yr holl fyd,

Cenwch yn llafar i Dduw nef;

Ymlawenhêwch a chenwch oll,

Poed uchel eich soniarus lef.

5Cenwch â’r delyn i Dduw Ion,

A psalm o fawl a’r delyn ber,

6Ar udgyrn a sain trwmped cryf

Yn llafar i’n brenhinol Ner.

7Rhued y môr ac sydd o’i fewn,

Y ddaear ac sydd ynddi i gyd;

8Cured y llif ei ddwylaw llaith,

Cyd‐gordied holl fynyddoedd byd,

9O flaen yr Ior; mae ’n d’od i farn,

I farnu ’r ddaear oll yn iawn;

Y byd yn gyfiawn barn Efe,

A’r bobloedd âg uniondeb llawn.