Lyfr y Psalmau 101 - Welsh Metrical Psalms by Morris Williams 1850

1Canaf am ras a barn yn wiw,

I Ti, fy Nuw, y canaf;

2Deallus mewn ffordd dda bwyf fi, —

Pa bryd y deui attaf?

O fewn fy nhŷ fe fydd fy ngwaith

Yn bur o berffaith galon;

3Ni rôf ddim drwg o’m blaen ychwaith,

Caseais waith y beilchion.

4Oddi wrthyf cilia calon falch,

Dyn coegfalch nid adwaenaf;

Ni lŷn ei falchder wrthyf fi,

Ei wyneb ni arddelaf.

5Yn ddirgel a enllibio ’i frawd,

Ymaith mewn gwawd y ’i torraf;

Y galon falch a’r golwg syth,

Eu goddef byth ni ’s gallaf.

6Ar y ffyddloniaid syllaf fi,

Fel gyd â mi y trigant;

Y rhai a rodiant yn ddi‐nam,

Y rheiny a’m gwas’naethant.

7Y sawl a dwyllo ’i frawd mewn dim,

Na ddeled i’m preswylfa;

Yr anwir fyddo ’m mhell o’m gŵydd,

A chelwydd o’m hanneddfa.

8Yr annuwiolion cyn bo hir

I gyd o’r tir a dorraf;

A phawb yn weithwŷr drwg sy ’n byw,

O ddinas Duw diwreiddiaf.