Lyfr y Psalmau 23 - Welsh Metrical Psalms by Morris Williams 1850

1Fy Nuw yw Bugail f’ enaid gwan,

Byth ni ddaw eisiau ar fy rhan;

2Gorwedd a gaf mewn porfa fras

Ger dyfroedd tawel, peraidd flas.

3Fe ddychwel f’ enaid adre ’n ol

O’i grwydr a’i wrthgiliadau ffol;

Er mwyn ei fawl fe ’m harwain Ef

Ynghyfiawn ffyrdd a llwybrau ’r nef.

4Er rhodio dyffryn angau du,

Nid ofnaf niwaid, Arglwydd cu;

Wyt gyd â mi; dy wialen hedd

A’th ffon yw ’m cysur hyd y bedd.

5Arlwyi ’m bwrdd â gwledd dy ras

Yngŵydd fy holl elynion cas;

Enneini ’m pen â’th olew gwiw,

A’m phïol, llawn o fendith yw.

6Gras a daioni, (Duw a’u rhoes,)

A’m dilyn holl flynyddau f’ oes;

Preswyliaf finnau tra bwyf byw,

I ddïolch, ynghynteddau ’m Duw.