Lyfr y Psalmau 71 - Welsh Metrical Psalms by Morris Williams 1850

1Arnat Ti mae gobaith f’ enaid,

Arglwydd, na’m gwarthrudder byth;

2Ynghyfiawnder dy drugaredd,

Gwared fi, fy Nuw di‐lyth;

Gostwng attaf,

Ior, dy glust, ac achub fi.

3Duw, bydd immi ’n drigfa gadarn,

Craig a chartref nos a dydd;

Rhoddaist Ti d’ orchymyn grasol

I roi f’ enaid caeth yn rhydd;

Ti yw’m castell,

Ti yw’m hamddiffynfa byth.

4Gwared fi o law ’r annuwiol,

Rhag yr anwir traws a’i frad;

5Ti wyt unig obaith f’ enaid,

F’ Arglwydd wyt, fy Nuw, fy Nhad;

Mae f’ ymddiried

Ynot Ti er bore f’ oes.

YR AIL RAN

6Wrthyt Ti yr wy’n ymgynnal

Er yn faban yn y bru;

Ti o rwymau ’r groth esgorol

A’m rhyddheaist, Arglwydd cu;

Mawl a seiniaf

Byth heb ddiwedd am dy ras.

7Syndod ydwyf i laweroedd,

Ond Tydi yw ’m noddfa gref;

8Llawn yw ’m genau o’th glodforedd,

Molaf Di â llafar lef;

Bydd d’ ogoniant

Immi byth yn destun cân.

9O na fwrw mo’nof ymaith

Ym mlynyddoedd henaint gwan;

Ond pan fyddo ’m nerth yn pallu,

Bydd, attolwg, immi ’n rhan;

Duw, na wrthod

Mo’nof ar fachludiad f’ oes.

Y DRYDEDD RAN

10Clyw’m caseion yn f’ athrodi,

Gwel hwy ’n ymgynghori ’nghyd;

Disgwyl maent am faglu f’ enaid,

Gwyliant am fy ngwaed o hyd.

11“Ei Dduw,” meddant, “a’i gwrthododd,

Ni fyn wrando ar ei lef,

Nid oes iddo mwy Waredydd,

De’wch, erlidiwch, deliwch ef.”

12Arglwydd, na fydd bell oddi wrthyf,

Brysia, Ner, a gwared fi;

13Mewn gwaradwydd y difether

Gwrthwynebwŷr f’ enaid i;

Gwarth a gwatwar fo ’n gorchuddio

Pawb a geisiant ddrwg i mi;

14Minnau ’n wastad a obeithiaf,

Mwyfwy y’th foliannaf Di.

15Traetha ’m genau dy gyfiawnder,

Traethaf beunydd ras fy Nuw:

Nis gwn rif na mesur arno,

Dwyfol, anfesurol yw.

16Help fy Nuw a nertha ’m camrau,

Yn ei nerth ym mlaen yr af;

Traethaf byth gyfiawnder f’ Arglwydd,

Hwnnw ’n unig a goffâf.

17O ieuengctyd bore ’m heinioes

Yr hyfforddiaist Ti dy was;

Hyd yn hyn mynegais innau

Ryfeddodau gair dy ras:

18Hen a phenllwyd weithian ydwyf,

O fy Nuw, na thro fi draw,

Hyd nes traethwy ’n awr dy allu,

Grym dy nerth i’r oes a ddaw.

Y BEDWAREDD RAN

19Uchel, Arglwydd, yw ’th gyfiawnder,

Mawr a dwyfol yw dy waith;

Nid oes neb yn ail i’th Fawredd,

Nid oes neb yn debyg chwaith.

20Er y gwnaethost immi weled

Mynych ing a chystudd mawr,

Codi fi mewn bywyd eilchwyl

O orddyfnder daear lawr.

21Mwy llïosog fawredd etto

Im’ o’th nefol ras a ddaw;

Yn niddanwch llawn dy gariad

Y’m cysurir ar bob llaw:

22Minnau ar y nabl a’th folaf,

D’ air a folaf, Arglwydd Ner;

O Sancteiddiol Frenhin Israel,

Canaf it’ â’r delyn ber.

23Pan y canwyf dy glodforedd,

Llawen fydd fy ngenau ffraeth;

Llon a llawen fydd fy enaid

A waredaist pan oedd gaeth.

24Dy gyfiawnder a ddatganaf

Nos a dydd heb dewi mwy;

Canys pawb a geisiai ’m drygu

Gwarth a gwawd a’u cuddiodd hwy.