Lyfr y Psalmau 126 - Welsh Metrical Psalms by Morris Williams 1850

1Pan gyntaf y dychwelodd Ion

Gaethiwed Sïon adref,

Fel breuddwyd oedd y fendith fawr,

Yr ŷm yn awr yn addef.

2Pan welsom mai nid breuddwyd oedd,

Rhôi ’n genau floedd o chwerthin;

A’n tafod ffraeth mewn rhyddid cu

Dechreuodd ganu ’n ddibrin.

“Gwnaeth Ion beth mawr i’r rhai’n i gyd,”

Medd pobloedd byd pan glywsant; —

3Do ’n wir, fe wnaeth; a’n tafod clau

Am hyn, a’n genau canant.

4O dychwel, Ion, ein caethder hir,

Fel ffrydiau tir y dehau: —

5Y rhai sy ’n hau mewn dagrau ’n lli,

Cânt fedi mewn caniadau.

6Yr hwn sy ’n myn’d dan wylo ’n awr,

Gan ddwyn had gwerthfawr ganddo,

A ddaw yn orfoleddus iawn,

A’i ’sgubau llawn caiff gludo.