Lyfr y Psalmau 11 - Welsh Metrical Psalms by Morris Williams 1850

1Yn Nuw y mae fy hyder i;

Pa’m ynte y dywedwch chwi

Wrth f’ enaid, “Hed i’ch mynydd draw,

Fel yr aderyn yn ei fraw?”

2“Yr anwir,” meddwch, “mawr ei rym,

Annelu mae ei saethau llym

Ar fwa cudd, i saethu ’n awr

Fywyd yr union ddyn i lawr.

3“Y seiliau,” meddwch, “seiliau ’r byd,

Taflwyd a chwalwyd hwynt i gyd;

Beth a wna ’r cyfion gwan yn awr

Yn erbyn y fath ddistryw mawr?”

4Mae ’r Arglwydd yn ei sanctaidd Dŷ,

A’i orsedd fry sy ’n uchel;

Cenfydd ei lygaid ddynion byd,

A’u holl feddylfryd dirgel.

5Yr Ior a farn y cyfiawn rai,

A phawb a’r a’i gwas’naethont;

Ond ffiaidd gan ei fron ddi‐nam

Yw pawb ar gam a wnelont.

6Fe wlawia ar yr anwir gau

Ei faglau, tân a brwmstan,

A chorwynt poeth ystormus iawn—

O hyn bydd lawn eu cwppan.

7Yr Arglwydd, cyfiawn yw ei fâr,

Efe a gâr gyfiawnder;

A’i wyneb Ef a edrych fyth

Ar bur ddi‐lyth unionder.