DIPESALEMA 131 - Sesotho 1989 Translation (Standard Orth)（SSO89SO）

Thapelo ya boikokobetso

1Pesalema ya Davida. Sefela sa ho nyolohela Jerusalema.

Morena, pelo ya ka ha e ikakase,

mahlo a ka ha a ikgohomose;

ha ke tsotelle dintho tse mphetang,

leha e le tse makatsang,

tse mphahametseng.

2Empa ke bobisitse moya wa ka,

ka o kgutsisa,

sa ngwana ya kgwesitsweng,

ya sikilweng ke mmae;

e, moya wa ka o jwaloka ngwana,

jwaloka ngwana ya kgwesitsweng.

3Iseraele a ke a tshepe Morena,

ho tloha jwale le kamehla yohle.