Psalmau 147 - Welsh Metrical Psalms by William Middleton 1595 - Original edition

Y Psalm. CXLVII. Cywydd Deuair Hirion.

1Molwch, gelwch ar Geli;

Dawn yw canu i ’n Duw ni:

Prydferth yw mawl parodfyw,

O fwriad oll, hyfryd yw.

2Duw cad sy ’n adeiladu

Caerusalem, loywdrem lu:

E gasgl Duw nef o’u gwasgar

Blant Israel a gafael gwar.

3’Rhai a briwdon galonnau,

Hwn yn wych oedh i ’n hiachau;

Yn rhwymo, nid gweithio gwall,

Eu doluriau, dal arall.

4E rifa yr Iôr ufydh

Gynnifer o ser y sydh:

A geilw hwynt yw gloywhau,

Hynod ser, wrth eu henwau.

5Mwy o rad, Iôr mawr ydoedh,

A mawl ei nerth aml iawn oedh;

Cyfrif aneirif i neb

(Ddoeth Un!) yw ei dhoethineb.

6Duw ’n gofal cynnal y caid

Etto ran y trueiniaid;

Gostwng i lawr, hoywfawr hawl,

Yn euog, rai annuwiawl.

7Cenwch i ’n Nêr, wychder wedh,

O fwriad, mewn clodforedh:

Datgenwch a chenwch hyn,

Ydolwg, ar y delyn.

8Gwlaw ir dhaear yn barod,

Cwmmwl rhydh ef i nef nod;

Gwellt ir mynydh rhydh y rhawg,

A llysiau i dhyn lluosawg.

9Rhwydh hyfedr y rhydh hefyd

Borth i ’nifeiliaid y byd —

I gywion brain, blinion blant,

Poen o lafur, pan lefant.

10Y mae ’n dhibris, mwy unawr,

O nerth y march, na’i wyrth mawr:

Pleser ni chymmer (wych Iôu

Dawnus) o goesau dynion.

11Hoff gandho, eidho adhysg,

A’i hofno (Duw), fwyna’ dysg;

O bwyth, sawl a obeithio,

Gwiwradh, o’i drugaredh o.

12Caerusalem, cair solas,

Mola ’r Arglwydh, rhwydh ei ras:

Seion, (mael Iôn,) molianna,

Duedhu dysg, dy Dduw da.

13Yn gadarn yno gedid

Farriau dy byrth, o fryd, bid:

Bendithiodh, elwodh wiwles,

Dy blant, a llwydhiant a lles.

14A choel fraint, hedhychol fro,

O brifiant, a bair efo;

A ffrwyth gwenith dichwith, da,

O faith dhull, fe’th dhiwalla.

15Gorchymmyn denfyn hyd ar

Duedh eithafion daear:

I air rhed, yn orau rhan,

Yn fywiog, ac yn fuan.

16Ti a rodhi, gyrri ar g’oedh,

Oera’ gwlan, eiry glynnoedh;

Y rhew a’i daenu, er hyn,

Llwyd ar hyd, fal lludw rhedyn.

17A bwrw ia, heb awr o au,

Mwy wedi, fal tammeidiau:

Pwy a erys, grymmus gri,

Gwn arwnad, gan ei oerni?

18Unfodh, ei air a enfyn

I’w todhi hwynt, hawdh yw hyn:

Chwyth ar hynt y gwynt ar g’oedh,

Dufrych llifa y dyfroedh.

19I Iacob teg‐fynegi,

Diwair doeth, dy eiriau di;

A’th dhedhf a’th farn, gadarn gael,

O dhewisrodh, i Israel.

20Fo all, ac ni wnaeth felly

Ag un genedl, freisgchwedl fry;

Nid adwaenynt, ar hynt rhwydh,

Oreurglod, farn yr Arglwydh:

Molwch f’Arglwydh, mawrlwydh mawl,

Dro gwedhus, yn dragwydhawl.