Psalmau 140 - Welsh Metrical Psalms by William Middleton 1595 - Original edition

Y Psalm. CXL. Cywydd Deuair Hirion.

1Gwared fi odhiwrth (swith yw ’r sen,

Gwaedh anial,) y drwg‐dhynion:

Rhag trawswyr, ail rhwyg tresi,

Accw Duw fyth, cadw fi.

2Y rhai a fwriadai o fron,

Culwedh, dhrygioni calon;

Yn llu ’n ymgasglu, heb gêl,

O rwyf, beunydh i ryfel.

3Tafodau sarph, twf wedi,

Golymmant a chwant i chwi:

Gwenwyn asp sy ’n genni ’n au,

Anfoesol, tan wefusau.

4Cadw o ffordh y ciwed ffol;

Dal, ’Nuw, dwylo annuwiol:

Egr eu trais, rhag gwyr trawsion,

Cywad fyth, cadw fi, O Iôn.

5Bachell i’m traed (bu ochain)

Bwriadant, rhwydant y rhai ’n;

E gudhia y beilch, drwy godhi,

(O fwgl mawr!) faglau i mi:

O far wedi, fe rwyded

Wrth dannau fy llwybrau ar lled:

Gosod drwy boen im’ hoenyn

Ar fy medr, byfedr yw hyn.

6D’wedais, gelwais ar Geli,

F’enaid teg, Fy Nuw wyt ti:

Clyw fy Arglwydh, mawrlwydh mau,

Ddeall llef fy ngwedhïau.

7Duw, Arglwydh nerth, brydferth bron,

Fy iechyd, hoywfryd dwyfron;

Cedwaist fy mhen i’m codiad,

Breuder chwyrn, mewn brwydr a chad.

8Na wrando, Iôn, ar undydh,

Wedhi annuwiol ffol ei ffydh:

Ollawl na wna eu h’wllys,

Rhag balchedh, fu ryfedh frys.

9Y rhai pennaf, er poeni,

Bryd oer, a’m bwriado i:

Dêl y celwydh, rhwydh fawrhau,

Oera’ pwn, ar eu pennau.

10Marwor arnynt, mwy eirian,

Aed hwnt: a bwried hwy ’n tan;

Ac i geuffos, chwerwnos chwant,

Flinach wad, fal na chodant.

11Siaradus, reidus rydyn,

Ni westyd ar dhaear dhyn:

Yn draws fe hela dhyn drwg

I dhistryw, ymliw amlwg.

12Gwn y dïal yn galed

Duw ’r truan lle gwelan’ gêd;

Ac y barn ef, sef da yw ’r son,

Diwael ydoedh, dylodion.

13Rhai kyfiawn yn iawn a wnaut,

O fawredh, d’enw clodforant:

O rinwedh trig yr union,

Gorau Duw fry, ger dy fron.