Psalmau 139 - Welsh Metrical Psalms by William Middleton 1595 - Original edition

Y Psalm. CXXXIX. Cywydd Deuair Hirion.

1Chwiliaist, ti’m gwiliaist, Geli,

Adnabuost (heb fost) fi.

2Ti adwaenost, wiw daenu,

F’eistedhiad a’m codiad cu:

Cyn im’ dybio, pwyllo pwl,

Modhus, dealli’m medhwl.

3Fy llwybr wedh, fy ngorwedhfa,

Cwmpasit, Iôr campus, da;

I’m ffyrdh oll, heb dhim colled,

Wyd hyspys, gwybydhus ged.

4Gwir fyth, nid oes gair i fod

Yn hyfedr ar fy nhafod,

Ond dydi ’n awr, heb fawr fost,

A llwydhiant, oll a wydhost.

5Y’mlaen, (ceir mawl a enwer,)

Yn ol i’m lluniaist, fy Nêr;

Gosodaist, nodaist, fy Naf,

Del wirnerth, dy law arnaf.

6Llyma wybodaeth ffraethwych

Rhy dhirgel, ag ardhel gwych;

Uwchlaw hyn, uchel yw hi,

Dda wyrth, ni wn odhiwrthi.

7I b’le ’r af (mi welaf wŷd

Dwysbrawf) odhiwrth dy Yspryd?

I b’le o’th ŵydh, (rhwydh lwfrhau)

F’anwyl, y ffoaf finnau.

8O dringaf (sef) ir nefoedh,

Yno bydhi di, da oedh:

Os mewn bedh y gorwedhaf,

(Union waith) wyt yno, Naf.

9Pe cymmerwn, gwn, yn gu,

Adenydh gwawr i daenu;

Be trigwn, a byd drygwaith,

Yn eithafoedh moroedh maith:

10Yno hefyd (mae ’n hoywfan)

I’m t’wysai draw dy law lan;

A’th dheheulaw, aelaw ai,

Yn hylwydh a’m cynhaliai.

11Mi wn, pe d’wedwn, mai da,

Codhed tywyllwch a’m cudhia;

Y nos a fydhai i ni,

Anwyl iawn, yn oleuni.

12Nid trwch tywyllwch it’ oedh

Nos, — fal golau ynysoedh:

Y tywyll hynt o awydh

Gwelid it’ fal golau dydh.

13Medhiannaist, mynnaist, Iôr mau,

Fwy rinwedh, fy arennau:

Toaist finnau, tyst fyned,

Y ’nghroth fy mam, dhigam gêd.

14Clodforaf di, mynni mwy;

Yn odiaeth, wyt ofnadwy:

Rhyfedhed dy weithredoedh, —

Rhifo y gwaith rhyfig oedh;

A ’r enaid a ŵyr yna,

A’i henwi ’n dhoeth hynny ’n dha.

15Ni chair fy esgyrn a chêl,

Diweirgorph, er llun dirgel;

A’m llunio ’n gêl fy helynt

Ar y dhaear, hygar hynt.

16Ti a’m gwelaist, mag eilun,

Yn achles, heb les, heb lun;

I’th lyfrau, golau Geli,

Pan luniwyd, ’sgrifenwyd fi;

Pan nad oedh, pennod ei hynt,

Hanes yr un o honynt.

17Duw, mor brydferth, fraisg werthfawr,

Dy gynghorau i minnau mawr!

Mor fawr! mor dramawr drimwy,

Iso, am hyn, yw eu swm hwy!

18Pe rhifwn, ni wydhwn nod,

Tyfant amlach na ’r tyfod:

Ystyr wrth dheffro’u wastad,

Wyf gydi thi fy Rhi rhad.

19Afreol annuwiolwyr

(Duw) a ledhi, waedli wyr:

I ’r rhai ’n y d’wedai, ŵr hyf,

Ciliwch (dhû erthwch) ’dhiwrthyf.

20’Rhai a’u nad am danad der,

O naws coel, yn ysgeler:

Dy elyn a fyn yw fant

Yn ofer dy enw a nwyfiant.

21Cas gennyf, Nêr, wiwber Iôn,

Gas awydh, dy gaseion:

On’d yw ffiaidh, ŵraidh wŷn,

Wirbwyll, pawb sydh i’th erbyn?

22Y rhai ’n fal gwas cas cu cawn,

Ag o afles yn gyflawn;

Fal pe bydhynt, dwys hynt son,

(O alanas!) im’ elynion.

23Chwilia, gwybydh, trefnydh tro,

Fy nghalon union yno:

Prawf a gwybydh, prif gobaith,

Fy medhyliau, modhau maith.

24A gwyl fy ffordh, ai gwiliaid

Ai ffol annuwiol yw ’r naid;

Tywys fi i ffordh, hyffordh hawl,

Ag adhysg, yn dragwydhawl.