Psalmau 146 - Welsh Metrical Psalms by William Middleton 1595 - Original edition

Y Psalm. CXLVI. Englyn Pendrwm.

1A’m henaid gannaid, deg, union, — modhus,

A’m medhwl, a’m calon,

Yn felus canaf foliant

I Dduw Iôr Sant, dhiwair son.

2I’m bywyd, ennyd un‐awr, — mael enwog,

Moliannaf Dduw tramawr:

Molaf, galwaf ar Geli,

Dra f’wyf fi, a ’r dyrfa fawr.

3T’wysogion, dynion, dy enaid — (eidhod)

Idhynt nac ymdhiriaid;

Rhannu dir ir rhai ’n nid aeth

Iechydwriaeth, iach diriaid.

4Aiff bar ir dhaear dhiau, — a’u hasbri,

Gyda’u hyspryd hwyntau:

Yn y dydh hwnnw e dodhant

A dhaliant o fedhyliau.

5Gwỳn ei fyd i gyd sydh gu, — diogan,

Duw Iago yw helpu;

Yn yr Arglwydh mawrlwydh, maith,

Dy obaith, — Duw a wybu:

6Nef war, môr, daear duedh, — llawendhysg,

Ag oll yndhynt unwedh:

Yn dragwydhawl, hawl fawrhau,

Duw orau a geidw’i wiredh.

7Cyflawnder hyder yw ’r hwyl — ireidhwych,

A rodhai i bob dyn gŵyl;

A rhydh ei borthiant y rhawg

I newynawg yn anwyl.

Carcharwyr, caethwyr coethion, — a gallu,

Fe’u gollwng yn rhydhion:

8I dhall y rhydh wellhau rhaid

I’w lygaid a’i olygon.

Y crymion gweinion, wrth gŵyno — gofid,

A gyfyd Duw ucho:

A Duw a gar yn deg iawn

Wr kyfiawn, orau kofio.

Duw digymmar car bob cêd, — y cyfion,

A phob kofus weithred:

9Ymdhiffyn ei fydhin fo,

Duw Athro, y dïeithred.

Plant ymdhifaid, blaid bobl ir, — gŵydhoch,

Gwragedh gwedhwon cedwir:

E dhymchwel, yn dawel dôu,

Annuwiolion — ni welir.

10Yr Arglwydh gwiwrwydh, gwirion, — drwy ’n oesoedh,

A deyrnasa ’n gyfion,

Bythoedh, ar ol bydoedh bach,

Dros hayach, Duw ar Seion.