Psalmau 141 - Welsh Metrical Psalms by William Middleton 1595 - Original edition

Y Psalm. CXLI. Englyn Unodl Union.

1Brysia, Naf, attaf, ni dhowtiais, — Eurner;

Can’s arnat y gelwais:

Clyw o nef fy llef a’m llais,

A llafur mawr y llefais.

2I’th ŵydh di gwedhi dragwydhol, — rugl-dasg,

Bid arogl‐darth nefol;

Fal offrwm cawn brydnhawnol,

Codiad yno ’nwylo ’n ol.

3Dod gadwad gwiwrad, gorau, — Duw, gwedi,

Da i gadw fy ngenau:

A chadw di dhrws, mwyndlws mau,

O fesur, fy ngwefusau.

4I gilwg a drwg drwy wegi, — yn ol,

Na wnelwyf dhireidi;

Na’m calon at dhrygioni,

Athro fy oes, na thro fi.

Na’d i’m fwytta, tra lle trig, — im’ waeth‐waeth,

Eu danteithion blysig:

5Cerydhed yn garedig,

Cured kyfiawn, dhawn heb dhig.

Na’d yw holew glew, sy ’n gloywi — fy mhoen,

Dorri fy mhen, Geli:

Yn erbyn gwŷn drygioni,

A gwaedh fawr, gwedhïaf fi.

6Tafler a bwrier borau, — o burnerth,

Eu barnwyr ir creigiau;

Melus ydyw, nid gwiw gau,

Fy ngwir, clywant fy ngeiriau.

7Fal torri ynni anwar, — ymannos,

Cymmynu coed daear,

Ein hesgyrn sydh yn wasgar

Yn min y bedh a gwedh gwar.

8Arnad, rwydh Arglwydh eurglan, — o drachwant,

Yr edrychaf weithian:

Gobeithiais, gwelais nad gwan

Y dull; na’d f’enaid allan.

9Rhag maglau, cadau cydwedh, — cu ydwyt,

Ti’m cedwi o’th orsedh;

A hoenynnau ’n gwau yw gwedh,

Aeth hyn, Iôr, waith anwiredh.

10Eu rhwydau eu hun yw rhwydo — a’u deil,

Onid elwyf heibio;

Cyd‐gwymped, na ffynned, ffo,

Annuwiolion yn wylo.