Psalmau 76 - Welsh Metrical Psalms by William Middleton 1595 - Original edition

Y Psalm. LXXVI. Cywydd Deuair Hirion.

1Gwir, hynod, o dhefod dha,

Yw (os adwaen) Duw ’n Siwda;

A mawr ei enw a mael

Yn newisran yr Israel.

2I babell dra‐eur‐well drem

Y sy, eilwaith, yn Salem;

A’i drigfa, Dduw, Wiwdhuw, Iôn,

A sai’ (annedh) yn Seion.

3Yna drylliodh, fawrfodh fu,

Y saethau rhag eu seuthu;

Y bwa cryf, rygryf ran,

Clau o ’r tir, a ’r clawr‐tarian;

Y cledhyf hoywgryf, hygrwydr,

Friwdaith, a ’r rhudhwaed frwydr!

4Disgleiriach a chadarnach chwyrn

Wyd, na ’r cadau wyr cedyrn.

5Cedyrn‐galon, ladron lu,

Yspeiliwyd nes eu pylu;

Hunasant eu hûn isod —

Hunant — ni ryglydhant glod:

Milwyr, cadwyr, rai cydnerth,

Dim ni chawsant ’ nwyfiant nerth.

6O Duw Siacob aur‐gob‐waith,

Gan dy gerydh, derydh daith,

Y rhoed y cerbyd y rhawg,

Y march, i gysgu, a ’r marchawg.

7Tydi, tydi, fy Rhi rhwydh,

D’ofni a dhyli, Dduw‐lwydh:

Pwy a saif, araif iraen,

Pan dhygid y’th lid o’th flaen?

8O ’r nefoedh y cyhoedhyd

Dy farn, oreufarn, ar fyd;

Yr holl dhaear gryfwar, grai,

Os digit, a ostegai.

9Pan gododh Duw, Fawrdhuw, fry,

O fawrnerth, draw i farnu,

Ag i achub (gu‐wych‐ir)

’Rhai llednais, didrais, ar dir.

10Cyndharedh dyn boldyn, balch,

A’th folianna, fael, Iawnwalch:

A’i gyndharedh o wedh‐dhull

Gostegi draw, dhifraw dhull,

11Adhunwch i Dduw uniawn —

Telwch dhieidhilwch dhawn;

Dygwch wiwdeg anrhegoedh,

’Rhai yw amgylch‐ogylch oedh;

I ’r ofnadwy glan waneg

Rhowch anrhegiad, taliad teg.

12E dyn Duw ysbryd bywiaith

T’wysogion, gwyr mawrion, maith;

I frenhinoedh bydoedh bydh

Ofnadwy wir Ofnedydh!