Psalmau 9 - Welsh Metrical Psalms by William Middleton 1595 - Original edition

Y Psalm. IX. Gwawdodyn Byrr.

1Molaf yn dhyfal Dduw a’m calon,

A thraethaf ei hynod ryfedhodion.

2Llonychaf o’m Naf i’m nwyfion, — canaf

I’w enw goruchaf, enwaf yn union.

3Ciliodh, goel anodh, y gelynion,

Gorau wyd o fraint, odhiger dy fron;

4Can’s bernaist, torraist fy materion — rhus,

O eiste’ fry ’n gofus dy farn gyfion.

5Cospaist, ti a dhiwynaist anghred dhynion,

Collaist, ni welaist annuwiolion;

Dileaist, bwriaist fal na bon’, — na’u mawl,

O henw tragwydhawl, hawl wehilion.

6A gorwedh mewn llwch, gwelwch galon,

Byth y dinystriwyd bath dyn estron;

A’u trefydh, caerydh coron, — a’u kofiaw,

Hynny aed heibiaw, hen attebion.

7Yw drwn dhiogel mae ’n uchelion,

O bur iawn wiwserch barnai’i weision;

8Barnair byd hefyd, Duw cyfion, — barnai,

Bu abl a fynnai ir bobl fwynion.

9Parch ydwyd gwelwyd i bob trist galon,

Hybarch a hynod mewn trallodion;

Mewn amser tyner wyt, Iôn, — yw codi

Allan o’u c’ledi, gerwi geirwon.

10Ymdhiriaid enaid wyt i weinion,

Pawb a ŵyr d’enw — pawb o ’r dynion;

Can’s ti, Arglwydh, rwydh rodhion, — ni wrthyd

A’th geisio, ennyd hyfryd hoywfron.

11Moliennwch, cenwch fwyn accenion,

Y Beibl oedh siwel bobloedh Seion;

Traethwch, danghoswch yn gyson — ir byd

A weithiodh e i gyd, gweryd gwirion.

12Coffa, bid croywlid, am waed creulon,

A dïal orig y diwael ŵyrion;

I’w gof nid anghof, iawn dôn — yw ’r gweidhi,

Y llefain, y cri, y sï, a ’r son.

13Dyro, Dduw, fawredh dragaredhion,

Duw, wyt y Ceidwad, dihoccedion;

Edrych lle gwelych y gwaelion — dhynos,

Yt o gas agos digasogion.

14Yno dy foliant yn d’afaelion,

Diwyd iawn seiens d’weda ’n Seion;

Llawenydh im’ fydh mau fodhion — helaeth,

O’th iechydwriaeth uwch y dewrion.

15Cenhedloedh oesoedh a sodhason’

I ’r ffos o anras a glodhiason’;

I ’r rhwyd eu daliwyd lle delon’ — bob coes

Yn y gwŷdh eisoes a gudhiason’.

16Barn Duw, O kofiwch, bur nod cyfion,

Bwrw gwyr anghysbell yw dichellion;

17Cledhir, fe fwrir hwy ’n feirwon — ir bedh;

Am Dduw lwyswedh ni’s medhyliason’.

18Ond diwael ydyw hynt tylodion, —

Duw yn eu kofiaw, Dewin cyfion;

Trueiniaid, gweiniaid gwỳnion, — a’u gobaith,

Ni dhiffydh eilwaith i ffydholion.

19Cyfod, Duw, cyffro, deffro da dôn,

Na’d wyr digrefydh yn daer gryfion;

Cenhedloedh ar goedh, gwydhon, — a farner

Yn d’ŵydh, y Mawrner llawenber llon.

20Par d’ofni, Geli, i wyr gwaelion,

Dychrynant, crynant y rhai crinion;

Gwybydhant, gwelant gwaelion, — nad ydynt,

Ammau yw ’r helynt, ond marwolion.