Psalmau 38 - Welsh Metrical Psalms by William Middleton 1595 - Original edition

Y Psalm. XXXVIII. Cywydh devair hirion.

1Na cherydha ’n chwerw wiwdhuw

Fi yn dy dhig f’enaid Dduw:

Yn dy lid gwnn dylodi

Achos bu fai, na chosb fi:

2Dy saethau yn gwan dan gof

Disgynnant o dask ynof.

Ath law o nerth dhiwael naf

Oeruych a orwedh arnaf:

3Afiach wy fi o chaf farn

Ae dig ydwyd Duw gadarn,

Nid esmwyth f’esgyrn dismoel

Om pechod digymod goel:

4Am enwiredh mewn eiriawl

Dros ymhenn a droes ym hawl:

Yn fymhwysaw draw yn drwm

Awch rhodres fal baich rhydrwm.

5Am archollion dyfnion du

Anhap edrych yn pydru:

A gori yn wir gerwin wedh

A ffaeliais drwy fy ffoledh.

6Plygwyd a gwyrwyd fi ar gais

Ackw oer ymy lle krymmais:

Rodio a dwyn rhyd y dydh

Y galar yn i gilydh.

7Wyf yn llawn om miawn ymi

O braw antur a brynti.

Tremelius.

Nid oes iechyd dwys ochain

O’m knwd im oes am knawd main

8Gwanhychais egwan hachen

E droes ymhwynt dros ymhenn.

Rhuadus wyf rhaid yw son

Koeliwch gan dholur kalon.

9Oth flaen arglwydh fu rwydh frys

Dwf wellwell daw fy wllys,

Di-gvdh rhagod o wegi

Chwaen dost fy ychenaid i:

10Di-galon ydwyf gwelwch

Dan warth a fflaid dinerth fflwch:

Dall agos ydiw y llygaid

Di-lewyrch ikyrch ykaid.

11Fyngheraint rhag fyngherydh

O koelia byth kilio bydh,

Am karennydh dirydh daith

Ammarch a safant ymaith.

12Gosod maglau kau eu kaid

Gwas a fynn geisio f’enaid:

Digasog heb eu geisio.

Ae siarad drwg sura tro.

Gwastadol nid gweis didwyll

I dychymig dig o dwyll:

13Fal bydhar er trydar trais

A chul awydh ni chlowais.

Ag fal mùd y gofal mau

Gwrs ynn ni egorais enau.

14Idh-ydwyf heb nwyf yn war

Afael bowdhyn fal bydhar:

Y kallair nis kair naws kau

Yn onest yn i enau,

15Kans arnad a rhad ior rhwydh

Eurglod arhosaf arglwydh:

Fy nuw fy arglwydh fy naf

Wirner gwrandewi arnaf.

16Nâd fantais disyfais hir

Im gelyn y mogelir;

Pann lithrwyf o nwyf a wnant

Orchafiaeth ymdhyrchafant.

17Yr wyf yn wir ar fin nos

O gael ffug yn gloff agos,

Am tristyd wryd orig

Blin yw draw om blaen a drig.

18Pann d[r]aethwyf poen dir waethwaeth,

Y’m mhoenau ffres i’m hûn ffraeth:

A phann f’wyf drift a distaw

Om baich trwm o bechod draw,

19Mae ’ngelynion rhwithion chwyrn

Fwy godiad yn fyw gedyrn.

20Gwrthnebwyr herwyr oera

Drais dig a dal drwg dros da.

A inni ynni vniawn

O dholen dysg dhilin dawn.

21Na wrthod ior hynod rhwydh

O fowrglod fi fy arglwydh.

Fy nuw na fydh hoewrydh hyf

Dhiwarthwch bell o dhiwrthyf.

22Arglwydh mwyn aroglaidh maeth

Dewrwych fy iechydwriaeth.

Brysia eryr brysurawl

Im kymorth am ymborth mawl.