Ergaa Pheexroosii Ka 1ffaa 2 - WAADAA LAMMATAA

Dhagaa Jireennaatii Fi Banii Woyyuu

1 Efe. 4:22; Yaq. 1:21 Eegasuu hammeenna, dhara, uf jajuu, hinaaffa'aa fi hamii mara uf keessaa balleessa'aatii,

2-3Ibr. 5:12-13 Gooftaan arjaa ta'uu isaa mi'eeffattanii yoo jiraattan akka gara fayyinnaa ittiin guddattan, akka daa'imman amma dhalattee aannan soxxuutitti dubbii Rabbii ka dhara hin qabne dharra'aa'a.

4 Kitaaba Faarfanna'aa 118:22; Mat. 21:42 Gara dhagaa jiraataa namaan jibbamee ka Rabbiin biratti ammoo kabajjamaa ta'ee filatameetitti dhiyaata'aa,

5Efe. 2:21-22; Rom. 12:1 Isiniilee akkasuma akka dhagaa jiraata'aa taatanii Yesuus Kiristoosiin keessaa ciincaa Ayyaanaa ka Rabbiin gammachiisu dhiyeessu'uuf gadoota woyyuu akka taatan mana jireenna Ayyaanaa ta'u'uuf ijaaramaa'a.

6Isaayyaasii Raatticha 28:16; Rom. 9:33 Kitaaba keessatti dhagaa handhuura ijaarsaa filatama'aa fi ka gatii guddaa qabu Tsiyooniin keessa dhaaba. Namni isatti amanu tokkollee hin saalfatu jedhamee barreeffameera.

7Hu. Er. 4:11; Kitaaba Faarfanna'aa 118:22 Eegasuu ulfinni isin worra amantanii fi worra hin amannee ammoo,

«Dhagaan ogeessoonni mana ijaaran gatan sun,

dhagaa handhuura ijaarsaa, dhagaa guutu'uutii fi siidaa gufachiisaa ta'e»

8 Isaayyaasii Raatticha 8:14-15 Isaan worra hin amanne waan ta'aniif, dubbii isaatiin gufatan. Isaanillee worra kufaati'iif qophaayan.

9 Seera Bawu'uu 19:5-6; Seera Keessa deebi'ii 4:20; 7:6; 14:2; Isaayyaasii Raatticha 43:20-21; Mudh. Yoh. 1:6; Efe. 5:8; Tit. 2:14 Isin ammoo dukkana keessaa gara ifa isaa ka maalale'eetitti ka isin waame, dhaloota mishummaa isaa dubbatu'uuf filatame, gadicha mooti'ii, banii woyyu'uu fi gosa ristii isaatiif fooyame.

10Hoosee Raatticha 1:6, 9; 2:1, 23; Rom. 9:25 Isin duraan banii isaatii miti, amma ammoo banii Rabbii taataniirtan. Isin duraan worra araara argatee miti, amma ammoo araara argattaniirtan.

Hojjattoota Rabbii

11 Kitaaba Faarfanna'aa 39:12 Goshoota tiyya, biyya lafaa ta akka ormaatii fi keessumma'aa taatanii irra jiraattan keessatti hawwii foonii ta lubbuu teessaniin wol lolu irraa akka fagaattan isin kadhadha.

12Mat. 5:16 Worra hujii keessan mishaa arga'aa akka waan hamaa hojjattaniititti maqaa isin balleessan, guyyaa Rabbi banii ufii laalu'uuf dhufu akka Rabbiin kabajjan worra isin hamatan jiddu'utti jireenni keessan mishaa haa ta'uu.

13 Rom. 13:1-7; Tit. 3:1 Goofta'aaf jedha'aatii worra baallii qabu maraafuu ajajamaa'a; mooti'iillee yoo ta'e baallii guddaa waan qabuuf,

14bulchaallee yoo ta'e, worra hamaa hojjatan adabu'uuf worra waan mishaa hojjatan galateeffachu'uuf mootii moototaa biraa waan ergamaniif isaanii ajajamaa'a.

15Waan mishaa huja'aa gowwoota waan faayidaa hin qabne hojjatan akka cadhisan taasisuun fedha Rabbii waan ta'eef.

16Gal. 5:13 Akka worra bilisa bayeetitti Rabbiif garboota ta'a'aa jiraadhaa'a malee, bilisummaan keessan sun waan badooma keessan ittiin dhoffattan akka ta'u hin godhinaa'a.

17Rom. 12:10; Kitaaba Fakkeennaa 24:21; Mat. 22:21 Nama maraa kabajjaa'a, obboleewwan jaaladhaa'a, Rabbiin sodaadhaa'a, mootii kabajjaa'a.

Fakkeenna Rakkinna Kiristoosii

18 Efe. 6:5; Tit. 2:9 Garboota! Isinillee worra isin bulchan misha'aaf gara laafeeyyii callaa uduu hin taane akkasuma worra hammeeyyi'iillee sodaa gudda'aan isaanii ajajamaa'a.

19Namni dharaan rakkoon irra gayu; Rabbiin yaadata'aa gadda ufii san yoo obse hin galatoonfama. Mat. 5:10

203:14, 17; 4:13-14, 16 Isin cubbuu hojjattanii gad-qabamtanii yoo obsitan galata maal qabdan? Haata'uu ammoo waan mishaa gootanii yoo rakkinna isin irra gaye obsitan, waan kanaaf Rabbi isin eebbisa.

21Mat. 16:24; Yoh. 13:15 Wonti waamamtaniif kana waan ta'eef akkasuma Kiristoosiin faanaa akka deemtaniif fakkeenna isinii ta'ee waan waan keessaniif rakkinni isa irra gayeef.

22Isaayyaasii Raatticha 53:9; Yoh. 8:46; Qor. 2ffaa 5:21 Inni sirimaa cubbuu hin hojjanne, sobnillee afaan isaa keessa hin jiru.

233:9; Isaayyaasii Raatticha 53:7 Hennaa isa arrabsanillee deebi'ee hin arrabsine, hennaa isa rakkisanillee inni namatti hin baananne. Waaqa qajeellumma'aan murtii kennutti dabarsee uf kenne malee.

24Isaayyaasii Raatticha 53:5; Rom. 6:11, 18 Cubbuu irraa duunee, qajeellumma'aaf akka jiraannu, Kiristoos cubbuu keenna nafa ufiitiin fannoo irratti baadhate. Isin tumama madaa isaatiin fayyitaniirtan.

25Isaayyaasii Raatticha 53:6; Yoh. 10:11, 14 Isin akka hoolota karaa irraa baddee taatanii turtan. Amma ammoo gara tisse'eef eedduu lubbuu teessanii deebitaniirtan.