Ergaa Phaawuloos Gara Ximootewoosii Erge ka 1ffaa 4 - WAADAA LAMMATAA

Barsiisota Sobaa

1-2 Tas. 2ffaa 2:9-10; Xim. 2ffaa 3:1; Phex. 2ffaa 3:3; Yoh. 1ffaa 2:18; Yihu. 18 Ayyaanni ammoo adima bara maayeesa keessa namoonni gari gariin barumsa ayyaana sobdoota uf tuultootaatii fi jinni'ii keennamu caqasa'aa, amantaa ganan jedha; yaanni akkanaa kun worra sammuu isaanii akka waan guba'aan gubameetitti hadoode irraa dhufa.

3Seera Uumamaa 9:3; Qor. 1ffaa 7:28, 36, 38; 10:30-31; Qol. 2:16, 20-23; Yoh. 2ffaa 1 Worri sobu kun akka namni wol hin fuune dhooggan, worri amananii dhugaa beekan galata woliin akka fudhatanii hin nyaanne, nyaata Rabbi isaanii uume irraa akka fagaatan godhan.

4Seera Uumamaa 1:31; Hu. Er. 10:15 Wonti Rabbi uume martinuu mishaa waan ta'eef, galata woliin yoo fudhatan wonti gatamu hin jiru.

5Ka dubbii Rabbiitii fi faate'een woyyoome waan ta'eef.

Hojjataa Mishaa Yesuus Kiristoosii Ta'uu

6 Xim. 2ffaa 2:15; 3:15 Kanaafuu obboleeyyan uduu yaadachiftee amanta'aa fi dubbii barumsa mishaa hordofteen yoo dubbii barsiifte, tajaajilaa mishaa Yesuus Kiristoosii taata.

71:4; 6:20; Xim. 2ffaa 2:16, 23; Tit. 1:14; 3:9 Haata'uu ammoo tapha xuraayaa adunyaa tanaatii fi oduu dubartoota jaartee irraa fagaadhu; bikka san jireenna Rabbitti tolu jiraachu'uuf tattaaffadhu.

86:6; Mat. 6:33; Kitaaba Faarfanna'aa 37:4 Nafa jabeessu'uuf uf leenjisuun bu'aa diqqoo qaba. Jiruu Rabbi fedhu jiraatu'uuf uf leenjisuun ammoo jiruu ammaatii fi ta dhuftuttillee abdii waan qabduuf gara maraanuu bu'aa qaba.

9Dubbiin kun amanama'a, namni martuu fudhatuu barbaachisa.

10Nu Waaqa jiraataa fayyisaa nama maraa ta'e; keessumatu ka worra amananiititti waan abdanuuf, hin dadhabna, hin arabamnalle'e.

11-12 Qor. 1ffaa 16:11; Tit. 2:15; Xim. 2ffaa 2:22 Kanniin ajaji barsiisille'e dubbii jireennaan jaalalaa fi amanta'aan qulqulluma'aan, worra amanan maraafuu fakkeenna ta'i malee, ijoollummaa keetiif eennullee si hin tuffatin.

13Haga ani dhufuuf, dubbisuu, gorsuu, barsiisuu irratti jabaadhu.

141:18; 5:22; Xim. 2ffaa 1:6; Hu. Er. 6:6; 8:17-18 Kennaa hennaa manguddoonni harka sirra keettee sii kadhattee sii kenname, raaga sii dubbatamee fi kennaa badhaadhaa ka si keessa jirutti lash hin jedhin.

15Guddinni kee waan maraanuu akka mudhatu yaadi; waan kanniinitti hennaa maraa jabaadhu.

16Hu. Er. 20:28; Rom. 11:14 Waan keetiif barumsa kee midhaassii qabi; kanniin irrattillee jabaadhu kana yoo goote, ufiif worra si dhagayanillee hin fayyifta.