Ergaa Phaawuloos Gara Worra Qolaasiyaasii Erge 2 - WAADAA LAMMATAA

1Waan keessaniif worra Lodoqiyaa jiran fuula kiyyallee worri hin argine martinuu dadhabbii guddaa attamii akka qabu akka beettan fedha.

21:26-27; Efe. 3:18 Onneen isaanii akka jajjabaatu jaalalaanillee wol ta'anii gara qalbifannaa hubanna'aan argamuutitti, gara durummaa mara akka gayan, dhossaa Rabbii isallee Kiristoosiin akka beekaniif wondhanssa isaaniif baya.

3Qor. 1ffaa 1:24, 30 Galmee dhokate ka ogumma'aatii fi ka beekkomsaa maruu isaan waan ta'eef.

4 Rom. 16:18; Efe. 5:6 Eennullee dubbii sossobu'uutiin akka isin hin dogoggorsine kana jedha.

5Qor. 1ffaa 14:40 Fooniin hagamillee yoo fagaadhe, ayyaanaan isin woliin waan jiruuf, seera keessaniif jabeenna amantii keessanii ka Kiristoosiin qabdan arga'aa gammada.

6Eeganaa akkuma Gooftaa Yesuusiin amantanitti isaan jiraadhaa'a.

71:23; Efe. 2:20, 22 Hidda gad fageeffadha'aa isa irratti ijaarama'aa, akkuma barattanitti, amanta'aan dhaabadha'aa, worra guddisee galateeffatu ta'aa'a.

8 2:20; Rom. 16:18 Akka barumsa Kiristoosiititti uduu hin taane, akka aadaa namaatiif akka nama adunyaa tanaa akka barumsa duraa waa uumu'uun soba'aa eennullee akka isin hin boojine uf eegaa'a.

91:19; Yoh. 1:14, 16 Guutummaan Rabbummaa isaa maruu nafa Kiristoosii irratti mudhatee waan jiruuf,

101:16; Efe. 1:21-23 Isinillee ka bulchiinsaa fi baallii maraa irratti mataa ta'e keessa taatanii guttamtaniirtan.

11 Rom. 2:29; Filph. 3:3; Phex. 1ffaa 3:21 Namummaa foonii mulqatu'uun Kiristoosiin keessatti gadoomu'uun gadooma harkaatiin uduu hin taane isa keessa taatanii gadoomtaniirtan.

12Rom. 6:4 Cuupha'aanillee isa woliin awwaalamtan, ka cuupha'aan akkasuma worra du'an keessaa, hujii Rabbiitiin du'oota keessaa isa kaaseetitti waan amantaniif isa woliin kaataniirtan.

13Efe. 2:1-5 Isinillee yakka keessaniif foon keessan waan hin gadoomneef, hennaa duutan isa woliin jireenna isinii kenne, cubbuu keessan maraa isinii dhiise.

14Efe. 2:15 Ka nu irra ture ka nu mormu, ka ajajaan barreeffame barreeffama gati'ii jissee, fannoo irratti dhayee, kara'aa isa kaaseera.

151:13; Efe. 4:8 Baalli'iif hunnoota maraa fannoo irratti injifatee hidhata isaanii hiissisee, booji'amtoota ta'anii akka mudhatan isaan taasise.

16Rom. 14:1-6 Eeganaa nyaataan, dhuddo'oon, waan ayyaanaatiin, waan jalqaba ji'aatiif waan Sambata kabajju'uutiin eennullee akka isinitti hin murteessine.

17Ibr. 8:5; 10:1 Isaan kunniin waan dhufu'uuf ta'u sanniiniif gaaddisa waan ta'aniif, nafti ammoo Kiristoos.

18Xim. 1ffaa 6:3-4 Namni kasoo ta'ee gad uf qabu'uu fi Maleekkaa kaddaamuu jaalata'aa; waan hin argine fedha malee keessa seena'aa sammuu fooniitiin waan duwwa'aan uf jaja'aa eennullee isin irratti hin murteessin.

19Efe. 4:16 Namni akkanaa kun gara Kiristoosii mataa ta'etti hin dhiyaatu, isaan nafti maruu ribu'uu fi hiddaan nyaata fudhata'aa wolitti ijaarama'aa guddinna Rabbi isaa kennuun guddata.

20-21Gal. 4:3, 9-10 Barumsa duraa ka adunya'aa irraa fagaattanii Kiristoosiin woliin yoo duutan.

22Isaayyaasii Raatticha 29:13; Mat. 15:9 Akka seeraa fi barumsa namaatiin ajaja worra «Hin qabin, hin dhandhamin, hin tuqin, jedha'aa Adunya'aaf jiraataniititti maaf bitamtan? Kunniin maruu uduma hojjataman badu'uuf murteeffameera.

23Rom. 13:14; Xim. 1ffaa 4:3, 8 Kun akka fedha keetii kaddaamuu, kasoomu'uu fi foon cunqursu'uun waan ogummaa qabu fakkaata. Haata'uu ammo, garaan hagaa olitti akka hin quufne dhoogguun womaa hin fayyadu.