1 Xim. 1ffaa 1:1; Yoh. 1ffaa 2:25 Ani Phaawuloos waadaa jireennaa ka Yesuus Kiristoosiin kenname akka himuuf fedha Rabbiitiin ergamaa Yesuus Kiristoosii ta'e irraa:
2 Hu. Er. 16:1 Ilma kiyya jaalatamaa Ximootewoosiif. Rabbii Aabbaa fi Gooftaa keenna Yesuus Kiristoosiin irraallee badhaadha, araaraa fi nagaya sii haa kennu.
Phaawuloos Ximootewoosiin Jajjabeesse3 Hu. Er. 23:1; 24:16; Filph. 1:3-4; 3:5 Halkanii fi guyyaa uduu addaan hin kuttin, kadha'aan waan si yaadadhuuf akka abbootii tiyyatitti Rabbii sammuu qulqullu'uun kaddaamu hin galateeffadha.
4Imimmaan kee yaada'aati gammachu'uun guuttamu'uu fi si arguu hawwa.
5Hu. Er. 16:1 Amantaa uf jajuu hin qabne ta si keessa jirtu hin qaabadha. Amantaan kunillee dura akaakayyuu kee Loyiddiin haadha tee Ewunqee keessa ture. Akkasuma amantaan sun si keessallee akka jiru hubadheera.
6Xim. 1ffaa 4:14 Sababaa kanaan akka nama ibidda qabsiisuutitti kennaa Rabbii ka harka kiyya sirra kaayu'uun argatte san akka kakkaaftu si qaabsisa.
7Rom. 8:15 Rabbi Ayyaana hunnaatii fi ka jaalala, ka uf qabu'uu nuu kenne malee, Ayyaana soda'aa nuu hin kennine.
8 2:3; Rom. 1:16 Eegasuu waan Goofta'aa ragu'uuf yookiin anaa waan Goofta'aatiif hidhamettillee hin saalfatin, haata'uu ammoo haga hunna Rabiitiin waan Oduu Nagayaatiif na woliin rakkadhu.
9Tit. 3:5; Efe. 1:4, 11 Ka nu fayyisee fi ka waamsa woyyu'uun nu waame Rabbiin waan ta'eef, kunillee akka yaada isaatiif haga badhaadha isaatiin malee, akka hujii keennaatiinii miti. Badhaani kun bara hedduun dura Yesuus Kiristoosiin irraan nuu kenname.
10Rom. 16:25-26; Qor. 1ffaa 15:55-57; Tit. 2:11; Ibr. 2:14 Amma ammoo dhufuu fayyisa'aa fi qorsa keenna karaa Yesuus Kiristoosiitiin mudhateera.
11Inni du'a waan mooyateeruuf, ani lallabaa Oduu Nagayaa, ergama'aa fi barsiisaa worra Yihuudota hin taanee akka ta'u, Oduu Nagayaa itti muudame kanaan jireennaa fi bara baraan jiraachuu ifatti baaseera.
12Sababaa kanaan rakkinni narra gayeera. Haata'uu ammoo rakkinna narra gaye kanaan hin saalfadhu; ka amane waan beekuuf, yaboo itti kenne haga gaafa guyyaa sanii akka eeguu danda'u hubadheera.
13Xim. 1ffaa 6:3; Tit. 2:1 Amanta'aa fi jaalala Yesuus Kiristoosiitiin dubbii narraa dhageette, fakkeenna mishaa san jabeessii qabadhu.
14Xim. 1ffaa 6:20 Yaboo mishaa san Ayyaana Woyyuu nu keessa jiru san eegi.
15Worri Esiyaa keessa jiran maruu, akka narraa fagaatan hin beeta; isaan keessaa Filoqoosii fi Herwaageenesiin fa'a.
16Gooftaan maatii Henesifooru'uutiif haa araaramu, hennaa hedduu waan hara na baafachiisaniiraniif.
17Hu. Er. 28:30 Inni hidhamuu kiyyattillee hin saalfanne. Hennaa Roomaa ture san soqee, soqee na arge.
18Mat. 5:7 Guyyaa dhumaa san Gooftaan isaa haa araaramu. Efesoonittillee attamitti akka na tajaajile atuu sirri'itti beetta.
Who We AreWhat We EelieveWhat We Do
2025 by iamachristian.org,Inc All rights reserved.
