Ergaa Phaawuloos Gara Worra Efesoonii Erge 4 - WAADAA LAMMATAA

Tokkummaa Kiristoosiin Woliin Qabnu

1Eeganaa, ani ka waan Goofta'aatiif jedhee hidhamaa ta'e, waamsa itti waamamtaniif akka ta'utti akka jiraattan isin kadhadha.

2Qol. 3:12-13 Kasoo Ta'u'uun gara laafumma'aan, Obsa maraan, jaalalaan wolii obsaa'a.

3Karaa nagayaatiin tokkummaa hafuuraa eegu'uuf jabaadhaa'a.

4Rom. 12:5; Qor. 1ffaa 12:13, 27 Waamamuu keessaniif akkuma hennaa waamatan abdii tokkoon waamamtan mara, qaama tokkoo fi Ayyaana tokko qabdan.

5Yoh. 10:16; Qor. 1ffaa 8:6 Gooftaan tokko, amantaan tokko, cuuphaan tokko

6Qor. 1ffaa 12:6; Milkiyaasii Raatticha 2:10 Ka waa maraa ol ta'e, ka maraa keessatti hojjatu, ka maraa keessa jiraatu, Gooftaan abbaa namoota maraa ta'e, Waaqa tokkochatu jira.

7Rom. 12:3, 6; Qor. 1ffaa 12:11 Haata'uu ammoo akka kennaa Kiristoosiitiin nu maraafuu badhaani kenname.

8Kitaaba Faarfanna'aa 68:18; Qol. 2:15 Kanaaf, «Hennaa ol baye, boojuu hedduu booji'ee,

namootaaf kennaa kenne» jedha.

9 Phex. 1ffaa 3:18-22; Mat. 12:40; Yoh. 3:13 Kanaafuu, «Ka ol baye» jechuun ka gara lafa gadi fago'ootitti gadi bu'e jechu'u malee, maal jechu'uu?

10Ka bu'e kun maraa guutu'uuf ka gara samii samii gubba'aatitti ol bayellee isuma.

11Qor. 1ffaa 12:28; Hu. Er. 21:8; Phex. 1ffaa 5:2 Innillee gari garii ergamoota, kuuwwan raattota, kuuwwan worra Oduu Nagayaa lallabuu, kuuwwanillee tisse'ae fi barsiisoota akka ta'an kennaa kenne.

12-132:22; Qor. 1ffaa 14:26; Phex. 1ffaa 2:5 Nu marti keenna gara tokkummaa Ilma Rabbii amanu'uu fi beeku'uun argamuutiif gara nama guutuu ta'u'uu haga waan Kiristoosiitiin guuttamuu geennuuf tajaajila woyyootaa hojjatu'uuf qaama Kiristoosii ijaaru'uuf guutuu akka ta'an.

14Qor. 1ffaa 3:1; 14:20; Qol. 2:8; Ibr. 13:9 Akka dogoggora soba fakkeessuu, sababaa soba namootaatiin qilleensa barumsa sobaa maraan asii fi achi daddarbama'aa asii fi achi rarra'a'aa ammaa achi daa'imman ta'uun nuuf hin ta'u.

151:22; 5:23; Qol. 1:18 Haata'uu ammoo dhugaa jaalalaan qaba'aa, waan maraanuu gara Kiristoosii mataa ta'ee, haa guddanuu.

162:21; Rom. 12:4-5; Qor. 1ffaa 12:12-13; Qol. 2:19 Sababaa kanaaf qaamni maruu akka hojjatu ribuun maruu akka hujii isaaniititti woliin wol qabatee jaalalaan uf ijaaruun qaama guddisa.

Jireenna Haarawa Kiristoosiin Irraan Argamu

17 2:1-3; Rom. 1:21-24; Phex. 1ffaa 4:3 Eeganaa worri Yihuudota hin taane akkanumaan sammuu duwwa'an akka jiraata'aa turan sanitti ammaa achi akka hin jiraanne jedha'aa Gooftaa keessa ta'ee raga.

182:12; Qol. 1:21; Phex. 1ffaa 1:14 Isaan rakkinna wollaala isaaniitiin garaa jabaachuu isaaniitiin yaanni isaanii dukkanaayee, Rabbiin irraallee fagaatan.

19Rom. 1:24-25; Qol. 3:5 Waan qalbiin isaanii dhama'eef battumma'aa fi dhara maraa hojjachu'uun seebaru'uuf dabarsanii uf kennan.

20Isin ammoo, Kiristoosiin irraa akkana hin baranne.

21Yoh. 1:17 Dhugamaan dhageettaniirtan. Dhugaanillee akka Kiristoosiin keessa jirtu isa irraa barattaniirtan.

22Qol. 3:9 Jireenna keessan ka durii yaada'aa dharraa namummaa moofaa nama sobuuf nama balleessuu uf keessaa balleessaa'a.

23Rom. 12:2 Ayyaana qalbii teessaniitiin haarawoomaa'a.

24Qol. 3:10 Qajeellumma'aa fi woyyummaa dhuga'aan ta'uun namummaa haarawa akka fakkeenna Rabbiitiin uumame uffadhaa'a.

25 Zakkaariyaasii Raatticha 8:16; Qol. 3:9 Kanaafuu soba uf keessaa balleessaa nu qaama tokko waan taaneerruuf. Isin martinuu goshoo keessan woliin dhugaa qaaqaa'a.

26Kitaaba Faarfanna'aa 4:4; Yaq. 1:19-20 Lolaa'a, garuu cubbuu hin hojjatinaa'a.

27Yaq. 4:7 Lola keessan irratti aduun akka hin dhiine daabiloosii hiree hin kenninaa'a.

28Tas. 1ffaa 4:11 Ka hate ammaa achi hin hatin; haata'uu ammoo bikka ka qara hatee, worra jalaa hanqateef waan kennuuf akka argatu harkuma ufiitiin waan mishaa hojjatu'uuf haa dadhabuu.

295:4; Mat. 12:36; Qol. 4:6 Worra isa dhagayaniif badhaadha akka kennuuf akka ka dadhabe jajjabeessitan, dubbii mishaa dubadhaa malee hamaan afaan keessanii sirimaa hin bayin.

301:13-14; Isaayyaasii Raatticha 63:10 Ayyaana Woyyuu Rabbii ka guyyaa fayyinnaa saniif ittiin chaappeeffamtan hin gaddisiisinaa'a.

31Qol. 3:8; Phex. 1ffaa 2:1 Biibbayuu, aaruu, loluu, wocuu, nama arrabsu'uu fi hammeenni maruu isin keessaa haa badu.

32Qol. 3:12-13; Mat. 6:14; 18:21-25 Arja'aa fi garalaafeyyii wolii ta'aa'a. Akkumma Rabbi Kiristoosiin irraan isinii araarame, isinillee wolii araaramaa'a.