Ergaa Phaawuloos Gara Ximootewoosii Erge ka 1ffaa 5 - WAADAA LAMMATAA

1 ta waan adunyaa tanaa callaa jaalattu ammoo, isiin uduu lubbu'uun jirtuu ta duute.

7Isaanillee mudaa malee akka jiraataniif ajaji.

83:5; Mat. 15:5-6 Worra fira isaanii ta'aniif keessumattuu maatii ufiitii ka hin yaanne, eennullee yoo jiraate, inni ka amantaa ufii gane, nama hin amanne caalaa hama'a.

9Ta abbaa manaa hin qabne galmee irratti yoo bareeffamtu, umuriin isi'ii woggaa jaahatamaa gadi akka hin taaneef, dubartii abbaa manaa tokko qabdu ta'uu barbaachisa.

10Ibr. 13:2; Yoh. 13:14 Ijoollee guddisu'uun, keessummaa simachu'uun, luka woyyootaa dhiqu'uun, worra rakkattoota gargaaru'uun, hujii mishaa maraa hordofa'aa hujii mishaa akkanaa godhu'uun ta ragameef ta'uu barbaachisa.

11Ta abbaa manaa hin qabne qacalee kaawwanitti hin makin.

12Fedhii foon ufiitiin mooyatamanii, jaalalli Kiristoosii qaban hennaa jalaa dhidhate heerumuu waan barbaadaniif, amantaa ufii ka duraa san waan tuffataniif, isaanitti murteeffama.

13Tas. 2ffaa 3:11; Kitaaba Fakkeennaa 10:19 Hujii hin hujan; mana tokkoo gara mana tokkoo deema'aatti waan hin taane dubbata'aa odeessitootaa fi worra hujii hiikan callaa uduu hin ta'in, worra waan namaa keessa galan ta'an malee, worra hujii hiiku calla'aallee miti.

142:15; Qor. 1ffaa 7:9, 39-40 Eegasuu durboonni qacaleen akka heeruman, ijoollee akka dayanii fi mana ufiillee akka bulchan, Worri nu mormu maqaa akka nu hin balleessine isaan kana gorsa.

15Kanaan dura isaan keessaa gari gariin seexana hordofu'uun amantaa waan gad dhiisaniif.

16Hu. Er. 6:1 Dubartiin amante takkaaf dhiirrii amane tokko, dubartii abbaa manaa hin qabne maatii ufii keessaa yoo qaabatan woldaa Kiristaanaatitti ba'aa akka hin taane, isaan haa gargaaraniinii.

17 Filph. 2:29; Tas. 1ffaa 5:12-13 Manguddoonni woldaa seeraan bulchan, keessatuu lallabaa fi barsiisu'uun, worra dadhabanii ulfinna gudda'atu isaan barbaachisa.

18Seera Keessa deebi'ii 25:4; Qor. 1ffaa 9:9; Mat. 10:10; Luq. 10:7 Kitaabni sangaa qotu afaan hin hidhin akkasuma ammoo hojjata'aafillee mindaan hin barbaachisa waan jedhuuf.

19Seera Keessa deebi'ii 17:6; 19:15; Mat. 18:16; Qor. 2ffaa 13:1 Namni lamaa yookiin sadi yoo itti rageesse malee, himannaa manguddoo irratti dhiyaate hin fudhatin.

20Mat. 18:17; Gal. 2:14 Worri biraallee akka sodaatan, worra cubbuu hujan nama maraa afo'otti gorfadhu.

21 6:13-14 Tokkochallee uduu wol hin caalchifne gara tokkoo uduu hin dabne akka eedu Rabbii Gooftaa Yesuus Kiristoosii fi Maleekkota filataman afo'otti si gorsa.

223:10; Qor. 2ffaa 6:14 Eennuun irrallee daddaftee harka kee hin kaayini; cubbuu nama biraatitti hin makamin qulqullinnaan uf eegi.

23Waan garaa keetiitiif waan dhibee sitti baayi'atuutiif daadhii woyini'ii diqqoo dhugi malee, ammaa achi bisaan callaa hin dhugini.

24Cubbuun namoota gari gari'ii addaata'a; murtii waan mudhisuuf; kaawwan ammo faanaa deema.

25Gal. 5:22-23 Akkasuma hujiin mishaan addaata'a, yoo ifa hin taanellee ammo dhokachuu hin danda'u.