Zaburi 128 - Kiswahili Contemporary Version (Neno: Bibilia Takatifu) 2025

Zaburi 128Thawabu ya kumtii Bwana

Wimbo wa kwenda juu.

1Heri wale wote wamchao Bwana,

wanaoenda katika njia zake.

2Utakula matunda ya kazi yako;

baraka na mafanikio vitakuwa vyako.

3Mke wako atakuwa kama mzabibu uzaao

ndani ya nyumba yako;

wana wako watakuwa kama machipukizi ya mizeituni

kuizunguka meza yako.

4Hivyo ndivyo atakavyobarikiwa

mtu amchaye Bwana.

5 Bwana na akubariki kutoka Sayuni

siku zote za maisha yako,

na uone mafanikio ya Yerusalemu,

6nawe ujaliwe kuishi uone watoto wa watoto wako.

Amani iwe juu ya Israeli.