Cantiglau 4 - New Metrical Psalms 2008 (Gwynn ap Gwilym)

Cân Mair (Y Magnificat) Luc 1:46-55Aurelia 76.76.D

1-4aMae f’enaid yn mawrygu

Yr Arglwydd; yn fy Nuw

Fe orfoleddodd f’ysbryd,

Cans fy ngwaredwr yw.

Ystyriodd fy nistadledd;

Hyd byth fe’m gelwir i

Yn wynfydedig; parodd

Duw bethau mawr i mi.

4b-7A sanctaidd yw ei enw;

Mae ei drugaredd ef

Am byth i bawb a’i hofna.

Gwnaeth rym â’i ddwyfraich gref:

Gwasgarodd y rhai beilchion,

Dyrchafu’r tlawd a’r noeth,

A bwrw tywysogion

Oddi ar orseddau coeth.

8-10Fe lwythodd y newynog

 rhoddion da a drud,

A throi’r cyfoethog ymaith

Yn waglaw oll i gyd.

Rhoes gymorth i’w was Israel,

A gwnaeth drugaredd rad,

Yn ôl ei hen addewid,

Ag Abraham a’i had.

I’r Tad y bo’r gogoniant,

I’r Mab a’r Ysbryd Glân –

Y Drindod sydd yn Undod

Dros oesoedd diwahân.

Fel yr oedd yn y dechrau

Y mae yn awr o hyd,

Ac felly y bydd yn wastad

Am byth tra pery’r byd.