Salmau 122 - New Metrical Psalms 2008 (Gwynn ap Gwilym)

SALM 122Gweddi am heddwch JerwsalemDiademata 66.86.D

1-3Roeddwn yn llawen iawn

Pan ddaeth un dydd i’m clyw

Y geiriau hyn: “Dewch, bawb, mi awn

I dŷ yr Arglwydd Dduw”.

A bellach mae ein traed

O fewn cynteddau drud

Jerwsalem, y lle a wnaed

I uno’r bobl ynghyd.

4-6Yno y daw ar hynt

Holl lwythau Duw o’u tref,

Yn ôl y ddeddf i Israel gynt,

I ddiolch iddo ef.

Tŷ Dafydd yno sydd,

A llys y gyfraith lem.

Gweddïwch bawb bob nos, bob dydd,

Am hedd Jerwsalem.

7-9Llwyddiant a fo i’r rhai

A’th gâr, a bydded hedd

O fewn dy furiau; boed dy dai

Yn ddiogel rhag y cledd.

Er mwyn i’m pobl gael byw,

Dy hedd a fynnaf fi;

Ac er mwyn tŷ ein Harglwydd Dduw,

Fe geisiaf dda i ti.