Salmau 130 - New Metrical Psalms 2008 (Gwynn ap Gwilym)

SALM 130Disgwyl wrth yr ArglwyddAr hyd y nos 84 84 888 4

1-4Gelwais arnat o’r dyfnderau;

Clyw fi, fy Nuw.

Arglwydd, gwrando fy ngweddïau;

Clyw fi, fy Nuw.

Os wyt ti yn sylwi ar fethiant,

Pwy a all osgoi difodiant?

Ond mae gyda thi faddeuant.

Clyw fi, fy Nuw.

5-6Wrth yr Arglwydd y disgwyliaf;

Clyw fi, fy Nuw.

Yn ei air ef y gobeithiaf;

Clyw fi, fy Nuw.

Disgwyl rwyf am Dduw bob cyfle,

Mwy na’r gwylwyr am y bore,

Mwy na’r gwylwyr am y bore.

Clyw fi, fy Nuw.

7-8Israel, rho dy obaith ynddo;

Clyw fi, fy Nuw.

Cans y mae ffyddlondeb ganddo;

Clyw fi, fy Nuw.

Gydag ef y mae yn helaeth

I bobl Israel waredigaeth

Oddi wrth bob damnedigaeth.

Clyw fi, fy Nuw.