Salmau 47 - New Metrical Psalms 2008 (Gwynn ap Gwilym)

SALM 47Duw’n frenin ar y cenhedloeddGarthowen 87.87.D

1-4Curwch ddwylo yr holl bobloedd,

Rhowch wrogaeth lon i Dduw,

Cans ofnadwy yw’r Goruchaf,

Brenin yr holl ddaear yw.

Fe ddarostwng bobloedd lawer

A chenhedloedd danom ni,

A rhoes inni ein hetifeddiaeth,

Balchder Jacob ydyw hi.

5-9Yn sŵn llawen ffanffer utgyrn,

Yn sŵn bloedd, esgynnodd Duw.

Canwch fawl i Dduw ein brenin,

Brenin yr holl ddaear yw.

Gyda phlant Duw Abram unodd

Tywysogion yr holl fyd

Ger ei orsedd; ef a’u piau,

Ac mae’n uwch na hwy i gyd.