Salmau 58 - New Metrical Psalms 2008 (Gwynn ap Gwilym)

SALM 58Melltith ar y drygionusElliot 98.98 D

1-5Chwi dduwiau, a ydych mewn difrif

Yn barnu yn gyfiawn o hyd?

O na! Fe ddyfeisiwch gelwyddau,

A gwasgar eich trais dros y byd.

Anufudd o’r groth yw’r drygionus,

Gwenwynllyd fel sarff yw y rhain,

Fel gwiber a gaodd ei chlustiau

Rhag clywed y swynwr a’i sain.

6-9O Dduw, dryllia’u dannedd; diwreiddia

Gilddannedd y llewod, ac aed

Y cyfan fel dŵr, a diflannu,

A chrino fel gwellt o dan draed.

Fe fyddant fel marw-anedig

Na wêl olau dydd, ac fe fyn

Ein Duw eu diwreiddio yn ebrwydd,

A’u sgubo hwy ymaith fel chwyn.

10-11Bryd hynny, bydd lawen y cyfiawn

Oherwydd y dial a wnaed.

Yng ngwaed y drygionus, o’r diwedd,

Fe’i gwelir yn golchi ei draed.

A dywed pawb oll, “Oes, yn bendant,

Mae gwobr i’r cyfiawn o hyd;

Ac oes, y mae Duw sydd yn barnu

Yn gyfiawn y ddaear i gyd.”